நடிகர் மணிகண்டன் நடிக்கும் புதிய படம் குறித்த தகவல் வெளியாகியுள்ளது.
தமிழ் சினிமாவில் டிஜே ஞானவேல் இயக்கத்தில் சூர்யா நடிப்பில் வெளியான ஜெய் பீம் படத்தின் மூலம் ரசிகர்கள் மத்தியில் மிகவும் பிரபலமானவர் நடிகர் மணிகண்டன். அதை தொடர்ந்து இவர் குட் நைட், லவ்வர் ஆகிய படங்களில் ஹீரோவாக நடித்து பெயரையும் புகழையும் பெற்றுள்ளார். கடந்த ஜனவரி 24ஆம் தேதி இவரது நடிப்பில் வெளியான குடும்பஸ்தன் திரைப்படமும் ரசிகர்களை வெகுவாக கவர்ந்து மாபெரும் வெற்றி படமாக அமைந்துள்ளது. இதற்கிடையில் நடிகர் மணிகண்டன் இயக்குனராக அவதாரம் எடுத்து விஜய் சேதுபதியை வைத்து புதிய படம் இயக்கப் போகிறார் என தகவல் வெளியாகி வருகிறது. இந்நிலையில் நடிகர் மணிகண்டன், தனுஷின் ஹிட் பட பார்ட் – 2வில் நடிக்கப் போவதாக தற்போதைய தகவல்கள் தெரிவிக்கின்றன.
அதாவது வெற்றிமாறன் இயக்கத்தில் தனுஷ் நடித்திருந்த திரைப்படம் வடசென்னை. இந்த படத்தில் தனுஷ் உடன் இணைந்த ஐஸ்வர்யா ராஜேஷ், அமீர், ஆண்ட்ரியா மற்றும் பலர் நடித்திருந்தனர். இந்த படம் ரசிகர்கள் மத்தியில் நல்ல வரவேற்பை பெற்றது. எனவே வடசென்னை 2 திரைப்படம் எப்போது? உருவாகும் என ரசிகர்கள் பலரும் எதிர்பார்த்துக் காத்துக் கொண்டிருக்கின்றனர். அதன்படி சமீபத்தில் நடந்த நிகழ்ச்சி ஒன்றில், இயக்குனர் வெற்றிமாறன், வடசென்னை 2 திரைப்படம் விரைவில் வரும் என அறிவித்திருந்தார். இந்நிலையில் வடசென்னை 2 திரைப்படத்தில் நடிகர் தனுஷ் நடிக்கவில்லை எனவும் அப்படத்தை இயக்குனர் வெற்றிமாறன் இயக்கவில்லை எனவும் சொல்லப்படுகிறது. 
மேலும் வெற்றிமாறனின் இயக்குனர் ஒருவர்தான் வடசென்னை 2 திரைப்படத்தை இயக்கப் போகிறார் என்றும் அதில் மணிகண்டன் தான் ஹீரோவாக நடிக்கப் போகிறார் என்றும் சினிமா வட்டாரங்கள் தெரிவிக்கின்றன. இருப்பினும் இது தொடர்பான அதிகாரப்பூர்வ அறிவிப்பு இனிவரும் நாட்களில் வெளியாகும் என்று எதிர்பார்க்கப்படுகிறது.