உலக அளவில் ‘மிஸ் ஷெட்டி மிஸ்டர் பொலி ஷெட்டி’ படத்தின் வசூல் எவ்வளவு?

மிஸ் ஷெட்டி மிஸ்டர் பொலி ஷெட்டி படத்தின் வசூல் குறித்த தகவல் வெளியாகியுள்ளது.

அனுஷ்கா நடிப்பில் கடந்த செப்டம்பர் 7ஆம் தேதி மிஸ் ஷெட்டி மிஸ்டர் பொலி ஷெட்டி திரைப்படம் வெளியானது. இதில் அனுஷ்காவுடன் இணைந்து நவீன் பொலி ஷெட்டி நடித்துள்ளார். மேலும் முரளி சர்மா ஜெயசுதா மற்றும் பலர் நடித்துள்ளனர். யுவி கிரியேஷன்ஸ் நிறுவனம் இந்த படத்தை தயாரித்துள்ளது. மகேஷ்பாபு இயக்கத்திலும் நீரவ் ஷா ஒளிப்பதிவிலும் இப்படம் உருவாகியுள்ளது. ரதன் இதற்கு இசை அமைத்துள்ளார். காமெடி கலந்த காதல் கதையில் உருவாகியுள்ள இந்த படம் வெளியான முதல் நாளிலிருந்து கலவையான விமர்சனங்களை பெற்று வருகிறது. இந்நிலையில் இப்படம் 17 நாட்களில் 50 கோடிக்கு மேல் உலகம் முழுவதும் வசூல் செய்துள்ளதாக படக்குழுவினர் அதிகாரப்பூர்வமாக அறிவித்துள்ளனர்.