நேருக்கு நேர் மோதும் ரஜினி-கமல்…. ரி ரிலீஸ் ஆனது ஹிட் திரைப்படங்கள்….

2001ம் ஆண்டு கமல் இரட்டை வேடத்தில் நடித்து வெளியான திரைப்படம் ஆளவந்தான். சுரேஷ் கிருஷ்ணா இப்படத்தை இயக்கியிருந்தார். தயாரிப்பாளர் தாணுவின் ‘வி கிரியேஷன்ஸ்’ தயாரித்திருந்த இப்படத்தில் ரவீனா டாண்டன், மனீஷா கொய்ராலா, சரத்பாபு உள்ளிட்ட பலர் நடித்திருந்தனர். இத்திரைப்படம் தமிழ் மட்டுமன்றி இந்தியிலும் வெளியாகி பெரும் வரவேற்பை பெற்றது. கமலின் மாறுபட்ட நடிப்பில் வெளியான இத்திரைப்படம் தற்போது பேசப்படுகிறது. இதனிடையே, ஆளவந்தான் திரைப்படம் சுமார் 22 ஆண்டுகளுக்கு பிறகு மறு வெளியீடு செய்யப்படுவதாக, தயாரிப்பாளர் தாணு அறிவித்திருந்தார். படத்தின் முன்னோட்டமும் அண்மையில் வெளியானது. இதையடுத்து, ஆளவந்தான் திரைப்படம் இன்று உலகம் முழுவதும் ஆயிரம் திரையரங்குகளில் மறு வெளீயீடு செய்யப்பட்டுள்ளது.

இதேபோல ரஜினிகாந்த் நடிப்பில் 1995-ம் ஆண்டு வெளியான முத்து திரைப்படமும் ரி ரிலீஸ் செய்யப்பட்டுள்ளது. கே.எஸ்.ரவிகுமார் இயக்கியிருந்த இத்திரைப்படத்தில் மீனா, சரத்பாபு, ராதா ரவி, ரகுவரன், செந்தில், வடிவேலு என நட்சத்திர பட்டாளமே நடித்திருந்தது. ஏ.ஆர்.ரஹ்மான் படத்திற்கு இசை அமைத்திருந்தார். தென்மாவின் கொம்பத் என்ற மலையாளத் திரைப்படத்தின் ரீமேக்தான் முத்து திரைப்படம். இப்படம் ரசிகர்களிடையே பெரும் வரவேற்பை பெற்றது. ரஜினியின் திரைப்பட பட்டியலில் முத்து படத்திற்கு தனியிடம் உள்ளது.

ரஜினிகாந்த் மற்றும் கமல்ஹாசனின் இரு வெற்றித் திரைப்படங்களும் இன்று ஒரே நாளில் வெளியாகி உள்ளது. இதனால், ரஜினி மற்றும் கமல் ரசிகர்கள் உற்சாகத்தில் உள்ளனர்.