பிரபுதேவா இயக்கும் புதிய படம் குறித்த தகவல் வெளியாகியுள்ளது.
தமிழ் சினிமாவில் முன்னணி நடிகர்களில் ஒருவராக வலம் வருபவர் நடிகர் பிரபுதேவா. இவர் நடிகர் மட்டுமல்லாமல் இயக்குனர், நடன இயக்குனர், தயாரிப்பாளர் என பன்முக திறமைகளை கொண்டுள்ளார்.
இவர் தமிழில் விஜய் நடிப்பில் வெளியான ‘தி கிரேட்டஸ்ட் ஆஃப் ஆல் டைம்’ திரைப்படத்தில் நெகட்டிவ் ஷேடட் ரோலில் நடித்திருந்தார். அடுத்தது இவருடைய பேட்ட ராப், ஜாலியோ ஜிம்கானா ஆகிய படங்கள் வெளியானது. அதே சமயம் வுல்ஃப், சிங்காநல்லூர் சிக்னல் போன்ற படங்களையும் கைவசம் வைத்துள்ளார் பிரபுதேவா. இது தவிர இவர் போக்கிரி, வில்லு, எங்கேயும் காதல் போன்ற பல படங்களை இயக்கியிருக்கும் நிலையில் இந்தி, தெலுங்கு மொழியிலும் படங்களை இயக்கி பெயர் பெற்றுள்ளார். இந்நிலையில் இவர் மீண்டும் ஒரு புதிய படத்தை இயக்கப்போவதாக தகவல் கசிந்துள்ளது. 
அதன்படி இந்த படத்தில் விஷ்ணு மஞ்சு கதாநாயகனாக நடிக்க உள்ளார் என்றும் இந்த படம் தெலுங்கில் உருவாக இருக்கிறது என்றும் அப்டேட் கிடைத்திருக்கிறது. இனிவரும் நாட்களில் மற்ற தகவல்கள் வெளியாகும் என நம்பப்படுகிறது.
மேலும் விஷ்ணு மஞ்சு நடிப்பில் கடைசியாக ‘கண்ணப்பா’ திரைப்படம் வெளியானது. மிகுந்த எதிர்பார்ப்புகளுடன் வெளியான இந்த படம் எதிர்பார்த்த வெற்றியை பெறவில்லை என்பது குறிப்பிடத்தக்கது.