பிரபுதேவா நடித்துள்ள பேட்ட ராப் படத்தின் டிரைலர் வெளியாகி உள்ளது.
நடிகர் பிரபுதேவா கடைசியாக விஜயின் தி கிரேட்டஸ்ட் ஆஃப் ஆல் டைம் திரைப்படத்தில் முக்கிய கதாபாத்திரத்தில் நடித்திருந்தார். அதைத் தொடர்ந்து சிங்கநல்லூர் சிக்னல், மூன் வாக் போன்ற பல படங்களை கைவசம் வைத்திருக்கும் பிரபுதேவா, பேட்ட ராப் எனும் திரைப்படத்திலும் நடித்திருக்கிறார். இந்த படத்தினை எஸ் ஜே சினு இயக்கி இருக்கிறார். ப்ளூ ஹில் ஃபிலிம்ஸ் நிறுவனம் இந்த படத்தை தயாரித்துள்ளது. ஜித்து தாமோதர் இந்த படத்தின் ஒளிப்பதிவு பணிகளை கவனித்திருக்கும் நிலையில் டி இமான் இதற்கு இசை அமைத்திருக்கிறார். இந்த படத்தில் பிரபுதேவா உடன் இணைந்து வேதிகா, ரமேஷ் திலக், சன்னி லியோன், மைம் கோபி, விவேக் பிரசன்னா உள்ளிட்ட பலர் நடித்திருக்கின்றனர். இந்த படம் வருகின்ற செப்டம்பர் 27ஆம் தேதி திரைக்கு வர இருக்கிறது. இதற்கிடையில் படத்தின் டீசரும் அதைத்தொடர்ந்து அடுத்தடுத்த பாடல்களும் வெளியாகிய ரசிகர்கள் மத்தியில் கவனம் பெற்றுள்ளது.
இந்நிலையில் இந்த படத்தின் டிரைலரை பட குழுவினர் வெளியிட்டுள்ளனர். இந்த ட்ரெய்லரை பார்க்கும்போது நடிகர் பிரபுதேவா ஹீரோவாக வேண்டும் என்று முயற்சி செய்து வருகிறார். அதனால் ஏற்படும் சிக்கல்களை தடுத்து இறுதியில் ஹீரோவாக மாறிவிடுகிறாரா என்பது தான் படத்தின் கதை போல் தெரிகிறது. இந்த படத்தில் இயக்குனர் பேரரசு சிறப்பு தோற்றத்தில் நடித்துள்ளார். பிரபுதேவாவிற்கு இந்த படம் வெற்றி படமாக அமையும் என்று எதிர்பார்க்கப்படுகிறது. தற்போது இந்த ட்ரெய்லர் இணையத்தில் வைரலாகி வருகிறது.