சிவகார்த்திகேயனின் அயலான் திரைப்படத்தின் இசை வெளியீட்டு விழா குறித்து அப்டேட் வெளியாகியுள்ளது. சிவகார்த்திகேயன் தற்போது SK 21 படத்தில் பிசியாக நடித்து வருகிறார்.
இதற்கிடையில் இவர் அயலான் எனும் திரைப்படத்தில் நடித்து முடித்துள்ளார். இந்த படத்தின் படப்பிடிப்புகள் கடந்த 2017 ஆம் ஆண்டில் தொடங்கப்பட்டது. ஒரு சில காரணங்களால் நிலுவையில் இருந்தவை படம் வருகின்ற தீபாவளியை முன்னிட்டு வெளியாக இருக்கிறது. இந்த படத்தை இன்று நேற்று நாளை படத்தை இயக்கிய ரவிக்குமார் இயக்கியுள்ளார். 24 ஏ எம் ஸ்டுடியோஸ் நிறுவனம் மற்றும் கே ஜே ஆர் ஸ்டுடியோஸ் நிறுவனம் இணைந்து படத்தை தயாரித்துள்ளது. ஏ ஆர் ரகுமான் இந்த படத்திற்கு இசையமைத்துள்ளார்.
இதில் சிவகார்த்திகேயனுடன் இணைந்து ரகுல் ப்ரீத் சிங், யோகி பாபு கருணாகரன், இஷா கோபிகர் உள்ளிட்ட ஒரு முக்கிய கதாபாத்திரங்களில் நடித்துள்ளனர். இந்த படம் சயின்ஸ் பிக்சன் கதைக்களத்தில் உருவாகியுள்ளது.
மிகுந்த எதிர்பார்ப்புகளுக்கு மத்தியில் உருவாகியுள்ள இந்த படத்தின் இசை வெளியீட்டு விழா வருகின்ற அக்டோபர் மாத இறுதியில் நடைபெற இருப்பதாக தற்போதைய தகவல்கள் தெரிவிக்கின்றன. மேலும் இந்த படத்தின் அடுத்தடுத்த அப்டேட்டுகள் விரைவில் வெளியாகும் என்று எதிர்பார்க்கப்படுகிறது.