- Advertisement -
சிவகார்த்திகேயன் நடிப்பில் உருவாகியிருக்கும் அயலான் படத்தின் டிரைலர் குறித்த அப்டேட்டை படக்குழு வெளியிட்டுள்ளது.
ஆர்.ரவிக்குமார் இயக்கத்தில் சிவகார்த்திகேயன் நடித்துள்ள திரைப்படம் அயலான். ஏ.ஆர்.ரகுமான் இசை அமைத்துள்ளார். படத்தில் சிவகார்த்திகேயனுக்கு ஜோடியாக பிரபல பாலிவுட் நடிகை ரகுல் ப்ரீத் சிங் நடித்துள்ளார். மேலும், யோகி பாபு, கருணாகரன் ஆகியோர் முக்கிய கதாபாத்திரங்களில் நடித்துள்ளனர். இத்திரைப்படத்தை 24 ஏ.எம்.ஸ்டுடியோஸ் மற்றும் கே.ஜே.ஆர். ஸ்டுடியோஸ் நிறுவனம் தயாரித்து உள்ளது.
சிவகார்த்திகேயன் நடித்து வெளியான திரைப்படங்களில் அதிக பொருட்செலவில் உருவாகியுள்ள படம் இதுவாகும். மேலும், அதிகப்படியான நாடுகள் மறஅறும் திரையரங்குகளில் வெளியாக உள்ள திரைப்படம் அயலான்தான் என படக்குழு அதிகாரப்பூர்வமாக அறிவித்திருந்தது. அயலான் திரைப்படம் பொங்கல் பண்டிகையை ஒட்டி ஜனவரி 12-ம் தேதி வெளியாகிறது. இதைத் தொடர்ந்து படத்தின் இசை வெளியீட்டு விழாவும் சென்னை சொகுசு விடுதியில் பிரம்மாண்டமாக நடைபெற்று முடிந்தது.
