‘ஜெயிலர்’ படத்துடன் ‘அயலான்’ படத்தின் புதிய டீசர் வெளியிடப்பட இருப்பதாகக் கூறப்படுகிறது.
சிவகார்த்திகேயன் நடிப்பில் மடோன் அஸ்வின் இயக்கத்தில் வெளியான மாவீரன் திரைப்படம் ரசிகர்கள் மத்தியில் நல்ல வரவேற்பு பெற்றது. அதிதி சங்கர், சரிதா, மோனிஷா, மிஷ்கின் உள்ளிட்ட பலர் நடித்த இந்தப் படம் ரசிகர்களை வெகுவாகக் கவர்ந்தது.
‘இன்று நேற்று நாளை’ படத்தை இயக்கிய ரவிக்குமார் இயக்கத்தில் சிவகார்த்திகேயன் அயலான் படத்தில் நடித்து முடித்துள்ளார். கடந்த 2017ஆம் ஆண்டில் இந்தப் படத்தில் படப்பிடிப்பு தொடங்கப்பட்டது. ஏ ஆர் ரகுமான் இந்தப் படத்திற்கு இசையமைத்துள்ளார். ராகுல் ப்ரீத் சிங், யோகி பாபு, கருணாகரன் ,இஷா கோபிகர் மற்றும் பலரும் படத்தில் நடித்துள்ளனர். ஏலியனை மையமாக வைத்து ஒரு சயின்ஸ் பிக்சன் படமாக உருவாகியுள்ளது. மேலும் இப்படம் வருகின்ற தீபாவளியை முன்னிட்டு தமிழ், தெலுங்கு, ஹிந்தி, கன்னடம் மலையாளம் உள்ளிட்ட மொழிகளில் உலகம் முழுவதும் வெளியாக இருக்கிறது.
இந்நிலையில் ‘அயலான்’ படத்தின் புதிய டீசர் வெளியாக இருப்பதாக அறிவிக்கப்பட்டுள்ளது. நெல்சன் திலீப்குமார் இயக்கத்தில் ரஜினிகாந்த் நடிப்பில் உருவாகியுள்ள ‘ஜெயிலர்’ திரைப்படம் ஆகஸ்ட் 10- தேதி வெளியாக உள்ளது. ‘ஜெயிலர்’ படம் அனைத்து திரையரங்குங்களிலும் அதனுடன் ‘அயலான்’ படத்தின் புதிய டீசரையும் வெளியிட படக்குழுவினர் திட்டமிட்டுள்ளனர்.