சூது கவ்வும் 2 படத்தின் ரிலீஸ் தேதி அறிவிக்கப்பட்டுள்ளது.
கடந்த 2013 ஆம் ஆண்டு நலன் குமாரசாமி இயக்கத்தில் சூது கவ்வும் எனும் திரைப்படம் வெளியானது. 
இந்த படத்தில் விஜய் சேதுபதி, அசோக் செல்வன், பாபி சிம்ஹா, சஞ்சிதா ஷெட்டி, கருணாகரன் ஆகியோர் முக்கிய கதாபாத்திரங்களில் நடித்திருந்தனர். டார்க் காமெடி ஜானரில் வெளியான இந்த படம் ரசிகர்கள் மத்தியில் மிகப்பெரிய வரவேற்பை பெற்றது. இந்நிலையில் இந்த படத்தின் இரண்டாம் பாகம் நீண்ட இடைவெளிக்கு பிறகு உருவாகி இருக்கிறது. அதன்படி சூது கவ்வும் 2 – நாடும் நாட்டு மக்களும் என்ற தலைப்பு வைக்கப்பட்டிருக்கும் இந்த படத்தில் மிர்ச்சி சிவா முன்னணி கதாபாத்திரத்தில் நடித்திருக்கிறார். இவருடன் இணைந்து ராதாரவி, ரமேஷ் திலக், கருணாகரன், எம் எஸ் பாஸ்கர் ஆகிய பலரும் நடித்திருக்கின்றனர். இந்த படத்தை திருக்குமரன் என்டர்டெயின்மென்ட் மற்றும் தங்கம் சினிமாஸ் ஆகிய நிறுவனங்கள் இணைந்து தயாரிக்க எட்வின் லூயிஸ் விஸ்வநாத் இந்த படத்திற்கு இசையமைத்திருக்கிறார். எஸ் ஜே அர்ஜுன் இந்த படத்தை இயக்க கார்த்திக் கே தில்லை இதன் ஒளிப்பதிவு பணிகளை கவனித்திருக்கிறார்.
Witness the madness of the gang in theatres on 13th December. #SoodhuKavvum2 Releasing on 13th December 🚁
Soodhu Kavvum 2: நாடும் நாட்டு மக்களும் #SoodhuKavvum2FromDec13@ThirukumaranEnt @icvkumar @thangamcinemas @cinemas56492 @actorshiva #Karunakaran @HarishaJestin… pic.twitter.com/NAdFY7dLgT
— Nikil Murukan (@onlynikil) November 20, 2024
இந்த படத்தின் படப்பிடிப்புகள் முழுவதும் நிறைவடைந்து படமானது ரிலீஸுக்கு தயாராகி வருகிறது. அதேசமயம் இந்த படத்தின் டீசரும் அடுத்தடுத்த பாடல்களும் வெளியாகி வந்தன. அத்துடன் சமீபத்தில் இந்த படம் டிசம்பர் மாதம் திரைக்கு வரும் என அறிவிக்கப்பட்டது. இந்நிலையில் சூது கவ்வும் 2 திரைப்படம் டிசம்பர் மாதம் 13ம் தேதி வெளியாகும் என படக்குழு வீடியோ ஒன்றை வெளியிட்டு அதிகாரப்பூர்வமாக அறிவித்துள்ளது.