கவின் நடிக்கும் ஸ்டார்… ரிலீஸ் தேதி அறிவிப்பு…

சின்னத்திரை நடிகரான கவின், லிப்ட் படத்தின் மூலம் நாயகனாக வெள்ளித்திரைக்கு அறிமுகம் ஆகினார். இதைத் தொடர்ந்து கவின் நடிப்பில் வெளியான டாடா திரைப்படம் ரசிகர்கள் மத்தியில் பெரும் வரவேற்பை பெற்றது. படப்பிடிப்பு முடிந்தும் பெரும் சிக்கல்களை தாண்டி வெளியான டாடா திரைப்படம் நல்ல விமர்சனங்களை பெற்றது. இதைத் தொடர்ந்து கவினுக்கு அடுத்தடுத்து பட வாய்ப்புகள் குவிந்து வருகின்றன.

நடன இயக்குநர் சதீஷ், இயக்குராக அறிமுகமாகும் படத்தில் கவின் நாயகனாக நடிக்கிறார். அதேபோல, பியார் பிரேமா காதல் பட இயக்குநர் இலடனுடன் கவின் புதிய படம் நடித்துள்ளார். இப்படத்திற்கு ஸ்டார் என்று தலைப்பு வைக்கப்பட்டுள்ளது. இப்படத்திற்கு யுவன் சங்கர்ராஜா இசை அமைக்கிறார். இப்படத்தின் படப்பிடிப்பு முடிவடைந்து, பின்னணி வேலைகள் விறுவிறுப்பாக நடைபெற்று வருகின்றன. ரைஸ் ஈஸ்ட் நிறுவனம் இப்படத்தை தயாரிக்கிறது. இதில் கவினுடன் இணைந்து, ஆதிதி பொஹங்கர், ப்ரீத்தி முகுந்தன், கீதா கைலாசம், மாறன் உள்பட பலர் முக்கிய கதாபாத்திரங்களில் நடித்துள்ளனர்.

இப்படத்தின் முதல் பாடல் ஏற்கனவே வெளியாகி வரவேற்பை பெற்ற நிலையில், தற்போது படத்தின் புதிய ரிலீஸ் தேதி குறித்த தகவல் வெளியாகி உள்ளது. அதன்படி வரும் மே மாதம் 10-ம் தேதி திரையரங்குகளில் ஸ்டார் திரைப்படம் வெளியாகும் என்று படக்குழு அதிகாரப்பூர்வமாக அறிவித்துள்ளது.