STR 49 படத்தின் ரிலீஸ் குறித்த லேட்டஸ்ட் தகவல் வெளியாகியுள்ளது.
நடிகர் சிம்பு தற்போது மணிரத்னம், கமல் கூட்டணியில் உருவாகி இருக்கும் தக் லைஃப் திரைப்படத்தில் நடித்து முடித்துள்ளார். இதன் பின்னர் இவர், பார்க்கிங் படத்தில் இயக்குனர் ராம்குமார் பாலகிருஷ்ணன் இயக்கத்தில் தனது 49வது திரைப்படத்தில் நடிப்பதற்கு ஒப்பந்தமாகியுள்ளார். அதன்படி இந்த படத்திற்கு தற்காலிகமாக STR 49 என்று தலைப்பு வைக்கப்பட்டிருக்கிறது. இந்த படத்தை டான் பிக்சர்ஸ் நிறுவனம் தயாரிக்க இருப்பதாக ஏற்கனவே அறிவிப்பு வெளியானது. அதைத்தொடர்ந்து இந்த படத்திற்கு சாய் அபியங்கர் இசையமைக்கப் போவதாகவும் பல தகவல்கள் சமூக வலைதளங்களில் பரவி வருகிறது. மேலும் இந்த படமானது கல்லூரி தொடர்பான கதைக்களத்தில் உருவாக இருப்பதாகவும், இந்த படத்தில் நடிகர் சந்தானம் காமெடியனாக நடிக்க உள்ளார் எனவும் சொல்லப்படுகிறது. 
அது மட்டும் இல்லாமல் இந்த படத்தில் கதாநாயகியாக நடிக்க சாய் பல்லவியிடம் பேச்சுவார்த்தை நடைபெற்றதாக தகவல் பரவி வந்த நிலையில் தற்போது கயடு லோஹர் கதாநாயகியாக நடிக்கப் போகிறார் என்று சமீபத்திய தகவல்கள் தெரிவிக்கின்றன. இதற்கிடையில் இந்த படத்தின் படப்பிடிப்பு 2025 ஏப்ரல் மாதம் இரண்டாவது வாரத்தில் துபாயில் தொடங்கும் என தகவல் கசிந்து இருந்தது. இந்நிலையில் இந்த படத்தினை 2025 டிசம்பர் மாதத்தில் திரைக்கு கொண்டுவர படக்குழு திட்டமிட்டு வருவதாக நம்பத் தகுந்த வட்டாரங்கள் தெரிவிக்கின்றன. இனிவரும் நாட்களில் மற்ற அப்டேட்டுகள் வெளியாகும் என எதிர்பார்க்கப்படுகிறது.