தளபதி 68 படப்பிடிப்புக்காக தாய்லாந்து பறக்கும் படக்குழு

லியோ படத்திற்கு பிறகு விஜய் வெங்கட் பிரபு இயக்கத்தில் தனது 68வது படத்தில் நடிக்க இருக்கிறார். தற்காலிகமாக தளபதி 68 என்று தலைப்படப்பட்டுள்ள இந்த படத்தை ஏஜிஎஸ் என்டர்டெயின்மென்ட் நிறுவனம் தயாரிக்க உள்ளது. யுவன் சங்கர் ராஜா இதற்கு இசையமைக்க இருக்கிறார்.

விஜய் நடிக்கும் 68-வது திரைப்படத்தில் மீனாட்சி சவுத்ரி கதாநாயகியாக நடிக்கிறார். சினேகா, லைலா, மைக் மோகன், விடிவி கணேஷ், ஜெயராம், பிரேம்ஜி, யோகி பாபு, வைபவ், அரவிந்த் ஆகாஷ், அஜ்மல் அமீர், பிரபுதேவா ஆகியோர் முக்கிய கதாபாத்திரங்களில் நடிக்கின்றனர். படத்தின் தயாரிப்பு நிறுவனமான ஏஜிஎஸ், பூஜை வீடியோ வெளியானது. இந்த காணொலி வாயிலாகவே, படக்குழுவினரையும் தயாரிப்பு நிறுவனம் அறிமுகப்படுத்தியது.

இந்நிலையில், முதல் கட்ட படப்பிடிப்பை தாய்லாந்தில் நடத்த படக்குழு திட்டமிட்டு உள்ளது. தாய்லாந்து மற்றும் பாங்காக்கில் ஒரு சில சண்டைக் காட்சிகள் படமாக்கப்படுகிறது. இதனால், வரும் நவம்பர் மாதம் படக்குழு தாய்லாந்து செல்வதாகவும் கூறப்படுகிறது.