விஜயின் ஜனநாயகன் படம் குறித்த புதிய அப்டேட் வெளியாகி உள்ளது.
விஜயின் கடைசி படமாக உருவாகி வரும் திரைப்படம் தான் ஜனநாயகன். அரசியல் சம்பந்தமான கதைக்களத்தில் உருவாகி இருக்கும் இந்த படத்தில் விஜய் போலீஸ் அதிகாரியாக நடித்துள்ளார். மேலும் பாபி தியோல், பூஜா ஹெக்டே, மமிதா பைஜு, பிரகாஷ் ராஜ், கௌதம் மேனன், பிரியாமணி, நரேன் ஆகியோர் நடித்துள்ளனர். ஹெச். வினோத் இதனை இயக்கியுள்ளார். கே.வி.என் புரொடக்ஷன்ஸ் நிறுவனம் இந்த படத்தை தயாரித்துள்ளது. அனிருத் இதற்கு இசையமைக்கிறார். மிகுந்த எதிர்பார்ப்புகளுடன் உருவாகும் இந்த படத்தின் படப்பிடிப்பு ஏற்கனவே நிறைவடைந்த நிலையில் இந்த படத்தில் இருந்து அடுத்தடுத்த போஸ்டர்களும், கிளிம்ப்ஸ் வீடியோவும் வெளியாகி ரசிகர்களை உற்சாகப்படுத்தியுள்ளது.
அடுத்தது விரைவில் இந்த படத்தில் இருந்து முதல் பாடல் வெளியாகும் என எதிர்பார்க்கப்படுகிறது. இதற்கிடையில் இந்த படத்தில் பல சர்ப்ரைஸ்கள் இருப்பதாக சொல்லப்படுகிறது. அந்த வகையில் தமிழ் சினிமாவின் ட்ரெண்டிங் இயக்குனர்களான அட்லீ, லோகேஷ், நெல்சன் ஆகியோர் ‘ஜனநாயகன்’ படத்தில் பத்திரிகையாளர்களாக நடித்துள்ளனர் என்று கூறப்படுகிறது. இது தவிர ‘ஜனநாயகன்’ படமானது விஜயின் மற்ற படங்களைப் போல் அல்லாமல் முழுக்க முழுக்க அரசியல் படமாக இருக்கும் இருக்கும் எனவும் இப்படத்தில் விஜயின் கட்சி சம்பந்தமான காட்சிகளும் இடம்பெற்று இருப்பதாகவும் செய்திகள் வெளியாகி வருகிறது. 
மேலும் ரசிகர்களுக்கு விருந்து படைக்கும் வகையில் கூடுதல் தகவல் ஒன்று கிடைத்துள்ளது. அதன்படி இப்படத்தில் எம்.ஜி.ஆரின் புகைப்படங்களும், அவருடைய பாடல் வரிகளும் இடம்பெற்றிருக்கும் என சினிமா வட்டாரங்கள் தெரிவிக்கின்றன. ஏற்கனவே நடிகர் விஜய், அரசியல் மேடைகளில் எம்.ஜி.ஆரை குறிப்பிட்டு வரும் நிலையில் அவருடைய கடைசி படமான ‘ஜனநாயகன்’ படத்திலும் அதை எதிர்பார்க்கலாம் என்று சமூக வலைதளங்களில் பலரும் கமெண்ட் செய்து வருகின்றனர்.
மேலும் இப்படம் 2026 பொங்கலுக்கு உலகம் முழுவதும் திரைக்கு வர தயாராகி வருகிறது என்பது குறிப்பிடத்தக்கது.