திருச்சி சர்வதேச விமான நிலையத்தில் பயணிகள் முனையம் மூலம் சரக்கு கொண்டு செல்லும் சேவை (Passenger Belly Cargo Service) இன்று முறைப்படி தொடங்கப்பட்டது. திருச்சி மற்றும் அதனைச் சுற்றியுள்ள மண்டலங்களின் வர்த்தகம் மற்றும் சரக்கு தொழில்துறையின் நீண்டகால தேவையைப் பூர்த்தி செய்யும் வகையில் இந்த சேவை தொடங்கப்பட்டுள்ளது.
இச்சேவை தொடங்கப்பட்ட முதல் நாளிலேயே சுமார் 2.4 மெட்ரிக் டன் எடையுள்ள சரக்குகள் வெற்றிகரமாகக் கையாளப்பட்டு அனுப்பி வைக்கப்பட்டன.
தொடக்க விழா & பங்கேற்ற அமைப்புகள்
இன்று நடைபெற்ற பிரம்மாண்ட தொடக்க நிகழ்ச்சியில் விமான நிலைய மற்றும் விமான போக்குவரத்துத் துறை சார்ந்த பல்வேறு முக்கிய அமைப்புகளின் பிரதிநிதிகள் நேரில் கலந்துகொண்டனர்:
AAI (இந்திய விமான நிலையங்கள் ஆணையம்)
INDIGO & AIR INDIA EXPRESS (முக்கிய விமான நிறுவனங்களின் அதிகாரிகள்)
AAICLAS (ஏர்போர்ட்ஸ் அத்தாரிட்டி ஆஃப் இந்தியா கார்கோ லாஜிஸ்டிக்ஸ் அண்ட் அலைடு சர்வீசஸ்)
CISF (மத்திய தொழில் பாதுகாப்புப் படை அதிகாரிகள்)
வர்த்தகர்களுக்குப் பெரும் பலன்
விரைவான போக்குவரத்து: திருச்சி மண்டலத்தைச் சேர்ந்த விவசாயிகள், சிறு மற்றும் நடுத்தர தொழில் முனைவோரின் உற்பத்திப் பொருட்கள் மற்றும் விவசாய விளைபொருட்களை விரைவாக வெளிநாடுகளுக்கும் பிற மாநிலங்களுக்கும் அனுப்ப இச்சேவை பெரும் உதவியாக இருக்கும்.
பொருளாதார வளர்ச்சி: பயணிகள் விமானங்களின் ‘பெல்லி ஸ்பேஸ்’ (Belly Space) எனப்படும் சரக்கு பகுதியைப் பயன்படுத்துவதன் மூலம், மண்டல ஏற்றுமதி வர்த்தகம் மேலும் புதிய உச்சத்தை எட்டும் என எதிர்பார்க்கப்படுகிறது.