டெல்லியில் தோற்ற கெஜ்ரிவாலுக்கு அன்னா ஹசாரே அறிவுரை கூறினார். ஆனால், மோடி அரசின் குற்றச்சாட்டுகள் குறித்து நீங்கள் ஏன் அமைதியாக இருக்கிறீர்கள்? என்று சஞ்சய் ராவத் கோபமாக கேட்கிறார்.
சிவசேனா தலைவர் சஞ்சய் ராவத் இதுகுறித்து பேசிய அவர், ”டெல்லி சட்டமன்றத் தேர்தலில் அரவிந்த் கெஜ்ரிவாலின் தோல்வியால் மூத்த சமூக ஆர்வலர் அன்னா ஹசாரே மகிழ்ச்சியடைகிறார். கடந்த சில ஆண்டுகளில் மத்தியில் நரேந்திர மோடி அரசாங்கத்திற்கு எதிராக சுமத்தப்பட்ட ஊழல் குற்றச்சாட்டுகள் குறித்து ஹசாரேவின் மௌனமாக இருக்கிறார்.
மோடியின் ஆட்சியில் ஊழல் நடந்தபோது ஹசாரே எங்கே இருந்தார்?கெஜ்ரிவாலின் தோல்வியால் ஹசாரே மகிழ்ச்சியடைகிறார். நாடு சூறையாடப்படுகிறது, பணம் ஒரு தொழிலதிபரின் கைகளுக்குச் செல்கிறது. இத்தகைய சூழ்நிலையில் ஜனநாயகம் எவ்வாறு உயிர்வாழ முடியும்? இப்படிப்பட்ட நேரத்தில் ஹசாரேவின் மௌனத்தின் ரகசியம் என்னவாக இருக்கும்?
மகாராஷ்டிரா, டெல்லியில் வாக்காளர் பட்டியல்களில் இதேபோன்ற முறைகேடுகள் இருக்கிறது. இதுபோன்ற பிரச்சினைகளில் ஹசாரே அமைதியாக இருக்க ஏன் முடிவு செய்தார். இதேபோன்ற புகார்கள் ஹரியானாவிலும் உள்ளன. இவை பீகார் தேர்தலிலும் காணப்படும். 2014-ல் பாஜக ஆட்சிக்கு வந்ததிலிருந்து தேர்தல்களில் அரசியலமைப்பு நடைமுறைகள் பின்பற்றப்படவில்லை.சூழ்ச்சி மற்றும் பண பலத்தின் மூலம் வெற்றி அடையப்படுகிறது””என்று அவர் குற்றம் சாட்டினார்.
70 உறுப்பினர்களைக் கொண்ட டெல்லி சட்டமன்றத்தில் 48 இடங்களை வென்று பாஜக ஆம் ஆத்மி கட்சியின் ஆட்சியை முடிவுக்குக் கொண்டு வந்தது. தோல்வியடைந்தவர்களில் முக்கியமானவர் புது டெல்லி தொகுதியைச் சேர்ந்த முதல்வர் வேட்பாளர் கெஜ்ரிவால்.