Homeசெய்திகள்விளையாட்டுவரலாற்றில் முதல் முறையாக இறுதிப்போட்டிக்கு முன்னேறியது தென் ஆப்பிரிக்கா அணி!

வரலாற்றில் முதல் முறையாக இறுதிப்போட்டிக்கு முன்னேறியது தென் ஆப்பிரிக்கா அணி!

-

- Advertisement -

டி20 உலகக் கோப்பை முதலாவது அரையிறுதி ஆட்டத்தில் ஆப்கானிஸ்தான் அணியை 9 விக்கெட்டுகள் வித்தியாசத்தில் எளிதில் வீழ்த்தி வரலாற்றில் முதல் முறையாக இறுதிப்போட்டிக்கு முன்னேறியது.

டி20 உலக கோப்பை கிரிக்கெட் தொடர் மேற்கிந்திய தீவுகள் மற்றும் அமெரிக்காவில் நடைபெற்று வருகிறது. லீக் சுற்றானது சமீபத்தில் முடிவடைந்த நிலையில் தற்போது சூப்பர் 8 சுற்று முடிவடைந்து இன்று முதலாவது அரையிறுதி ஆட்டம் நடைபெற்றது. இந்தாட்டத்தில் தென் ஆப்பிரிக்கா மற்றும் ஆப்கானிஸ்தான் அணிகள் பலப்பரீட்சை நடத்தின. இப்போட்டியானது மேற்கிந்திய தீவுகளில் பிரைன் லாரா கிரிக்கெட் மைதானத்தில் (இந்திய நேரப்படி) இன்று காலை 6 மணிக்கு நடைபெற்றது.

இப்போட்டியில் டாஸ் வென்ற ஆப்கானிஸ்தான் அணியின் கேப்டன் ரஷித் கான் முதலில் பந்துவீச்சை தேர்வு செய்தார். இதனைத் தொடர்ந்து தென் ஆப்பிரிக்கா அணி முதலில் பந்துவீசியது. ஆப்கானிஸ்தான் அணியில் அஸ்மத்துல்லா ஒமர்சாய் மட்டும் 10 ரன்கள் எடுத்தார். மற்ற வீர்ர்கள் ஒற்றை இலக்கை கூட தாண்டவில்லை. இறுதியில் அணியானது 11.3 ஓவர்கள் முடிவில் அனைத்து விக்கெட்டுகளையும் இழந்து 56 ரன்களுக்கு ஆல் அவுட் ஆனது. பந்துவீச்சு தரப்பில் தப்பிரைஸ் சம்ஸி 3 விக்கெட்டுகளும், மார்கொ யான்சன் 3 விக்கெட்டுகளையும் கைப்பற்றி அசத்தினர்.

பின்னர் 57 ரன்கள் எடுத்தால் வெற்றி என்ற எளிதான இலக்குடன் தென் ஆப்பிரிக்கா அணி இரண்டாவது பேட்டிங் விளையாடியது. தொடக்க ஆட்டக்காரராக களமிறங்கிய குயிண்டன் டிகாக் 5 ரன்களில் வெளியேற மறுபுறம் எதிர்த்தாடிய ரிஷா ஹெண்ட்ரிக்ஸ் 29 ரன்களும் ஏய்டன் மார்க்ராம் 23 ரன்களும் எடுத்தனர். இறுதியில் அணியானது 8.5 ஓவர்கள் முடிவில் 1 விக்கெட்டுகள் இழந்து 60 ரன்கள் எடுத்து 9 விக்கெட்டுகள் வித்தியாசத்தில் எளிதில் வெற்றி பெற்றது. இந்த வெற்றியின் மூலம் தென் ஆப்பிரிக்கா அணி உலகக் கோப்பை கிரிக்கெட்டில் முதல் முறையாக இறுதிப்போட்டிக்கு முன்னேறியுள்ளது.

MUST READ