2027–2028 கல்வி ஆண்டுக்கான திட்டம்
தமிழகத்தில் அரசுப் பள்ளிகளில் பயிலும் மாணவர்களுக்கு 2027–2028 கல்வி ஆண்டில் விலையில்லா காலணிகள் (Shoes), காலுறைகள் (Socks), குளிர் ஆடைகள் (Sweater) மற்றும் மழைக்கோட்டுகள் (Raincoat) வழங்க தமிழக அரசு திட்டமிட்டுள்ளது. இதற்கான கொள்முதல் நடவடிக்கைகளைத் தொடங்கும் வகையில் ரூ.52 கோடி மதிப்பில் நான்கு மெகா டெண்டர்கள் வெளியிடப்பட்டுள்ளன.
தமிழ்நாடு பாடநூல் கழகம் மூலம் நடவடிக்கை
பள்ளிக் கல்வித்துறையின் கீழ் செயல்பட்டு வரும் தமிழ்நாடு பாடநூல் மற்றும் கல்வியியல் பணிகள் கழகம் சார்பில் இந்த டெண்டர்கள் வெளியிடப்பட்டுள்ளன. மாணவர்களுக்குத் தேவையான பொருட்களைத் தரமான முறையில் கொள்முதல் செய்து, கல்வி ஆண்டு தொடங்கும் காலத்தில் விநியோகிப்பதற்கான முன்னேற்பாடுகளின் ஒரு பகுதியாக இந்த நடவடிக்கை மேற்கொள்ளப்பட்டுள்ளது.
மாணவர்களுக்கு விலையில்லா நலத்திட்டம்
அரசுப் பள்ளிகளில் பயிலும் மாணவர்களின் கல்விச் செலவைக் குறைப்பதுடன், அவர்களின் அடிப்படைத் தேவைகளைப் பூர்த்தி செய்யும் நோக்கில் விலையில்லா பொருட்கள் வழங்கும் திட்டம் செயல்படுத்தப்படுகிறது.
அந்த வகையில், 2027–2028 கல்வி ஆண்டிலும் Shoes, Socks, Sweater, Raincoat ஆகியவை வழங்கப்பட உள்ளன. இதற்கான கொள்முதல் பணிகள் டெண்டர் நடைமுறைகள் மூலம் முன்னெடுக்கப்படுகின்றன.
அரசுப் பள்ளிகளில் நவம்பர் 13-ம் தேதியே குழந்தைகள் தின கொண்டாட்டம் – தமிழக அரசு உத்தரவு!