ஜெம் வீரமணி மீதான பாலியல் வழக்கு தொடர்பாகக் கைது செய்யப்பட்டுள்ள சாந்தி மற்றும் மகேந்திர சிம்ஹன் ஆகியோர் ஜாமீன் கோரி நீதிமன்றத்தில் மனு தாக்கல் செய்துள்ளனர்.
6 ஆண்டுகள் தாமதமான வழக்குப்பதிவு
மனுதாரர்கள் தரப்பில் தாக்கல் செய்யப்பட்டுள்ள மனுவில், “கடந்த 2019-ஆம் ஆண்டு நடைபெற்றதாகக் கூறப்படும் ஒரு சம்பவம் தொடர்பாக, கிட்டத்தட்ட 6 ஆண்டுகள் கழித்து 2025 அக்டோபர் 7-ஆம் தேதி தான் காவல்துறை வழக்குப் பதிவு செய்துள்ளது.
வழக்குப்பதிவு செய்வதில் ஏற்பட்டுள்ள இந்த மிகப்பெரிய கால தாமதத்திற்குப் போதிய அல்லது முறையான எந்தக் காரணமும் தெரிவிக்கப்படவில்லை.
இதனால் இந்த முழு வழக்கின் மீதும் பெரும் சந்தேகம் எழுந்துள்ளது எனக் குறிப்பிடப்பட்டுள்ளது.
பாதிக்கப்பட்ட சிறுமிகள் அடையாளம் காணப்படவில்லை
மேற்கொண்டு மனுவில் சுட்டிக்காட்டப்பட்ட முக்கிய அம்சங்கள்:
இந்தச் சம்பவத்தில் பாதிக்கப்பட்டதாகக் கூறப்படும் சிறுமிகள் எவரும் இதுவரை அதிகாரப்பூர்வமாக அடையாளம் காணப்படவில்லை.
குற்றம் சாட்டப்பட்டு இவர்கள் கைது செய்யப்பட்டு 3 வாரங்கள் நெருங்கும் நிலையிலும், காவல் துறையினர் இதுவரை இவர்களைத் தங்கள் காவலில் எடுத்து விசாரிக்கக் கோரி மனு எதுவும் தாக்கல் செய்யவில்லை.
சாட்சிகள் விவரம்
இந்த வழக்கில் அரசு மற்றும் காவல்துறை தரப்பில் சேர்க்கப்பட்டுள்ள சாட்சிகள் பெரும்பாலும் காவல்துறையினரும், துறை சார்ந்த நிபுணர்களுமே ஆவர். எனவே, ஜாமீன் வழங்கும் பட்சத்தில் சாட்சிகளைக் கலைப்பதற்கான வாய்ப்புகள் இல்லை என்பதைச் சுட்டிக்காட்டி, தங்களுக்கு உடனடியாக ஜாமீன் வழங்கி உத்தரவிட வேண்டும் என மனுதாரர்கள் தரப்பில் வலியுறுத்தப்பட்டுள்ளது.
இம்மனு விரைவில் விசாரணைக்கு வரும் என எதிர்பார்க்கப்படுகிறது.
பள்ளிக்கல்வித்துறை அதிரடி: காலாண்டு விடுமுறையில் சிறப்பு வகுப்புகள் நடத்தத் தடை!