மத்திய,மாநில அரசுகள் இணைந்து ஆம்னி பேருந்துகளுக்கு என்று நிலையான கட்டணத்தை நிர்ணயம் செய்ய வேண்டும் என்று அனைத்து ஆம்னி பேருந்து உரிமையாளர் சங்கம் கோரிக்கை விடுத்துள்ளது.
மத்திய,மாநில அரசுகள் இணைந்து ஆம்னி பேருந்துகளுக்கு என்று நிலையான கட்டணத்தை நிர்ணயம் செய்ய வேண்டும் என்று அனைத்து ஆம்னி பேருந்து உரிமையாளர் சங்கம் கோரிக்கை விடுத்துள்ளது.அனைத்து ஆம்னி பேருந்து உரிமையாளர் சங்க தலைவர் அன்பழகன் , சென்னையில் தனியார் செய்தி நிறுவனங்களுக்கு பேட்டியளித்தார். அப்போது பேசிய அவர், “ஆம்னி பேருந்துகளுக்கு என்று நிலையான கட்டணம் எதுவும் கிடையாது. ஆம்னி பேருந்துகள் ரூ.1 கோடியில் இருந்து ரூ.3 கோடி வரை முதலீடு செய்து வாங்கப்படுகிறது. சாதாரண நாட்களில் அரசு பேருந்துகளை விட கட்டணத்தை குறைத்து வாங்கப்படுகிறது. விடுமுறை காலங்களில் சங்கம் நிர்ணயிக்கப்பட்ட கட்டணத்தை வசூல் செய்யப்படுகிறது. பண்டிகை காலங்களில் ஒரு சில பேருந்துகளில் நிர்ணயிக்க கட்டணத்தை விட கட்டணம் அதிகமாக வசூலிக்கப்பட்டது தெரிந்தவுடன் அந்த கூடுதல் கட்டணம் திரும்பி வழங்க நடவடிக்கை எடுக்கப்பட்டது.
ஆம்னி பேருந்துகளுக்கென்று இணையதளம் உள்ளது. அதில் அதிகபட்ச கட்டணம் கூறப்பட்டுள்ளது. இதைத் தாண்டி கூடுதலாக கட்டணம் வசூலித்தால் இணையதளத்தில் உள்ள புகார் எண்ணில் பயணிகள் புகார் தெரிவிக்கலாம். இந்தப் பிரச்சினையை தவிர்க்க மத்திய மாநில அரசுகள் இணைந்து ஆம்னி பேருந்துகளுக்கு என்று நிலையான கட்டணத்தை நிர்ணயம் செய்ய வேண்டும்.
விடுமுறை தினங்களில் ஆம்னி பேருந்துகளில் கூடுதல் கட்டணம் என்பது தொடர்கதையாக உள்ளது. சாதாரண மற்றும் நடுத்தர வர்க்கத்தினர் விடுமுறை தினங்களில் சொந்த ஊர்களுக்கு செல்வது என்பது இயலாத காரியமாக உள்ளது. ஆம்னி பேருந்துகளுக்கும் அரசு பேருந்துகள் போல நிலையான கட்டணத்தை நிர்ணயம் செய்தால் அனைவரும் பயன்பெறலாம்.” என்று கூறினார்.