ரயிலில் டிக்கெட் கூட வாங்க முடியாத கருணாநிதிக்கு எப்படி இவ்வளவு சொத்து வந்தது என்று கேள்வி எழுப்பியிருக்கிறார் எச். ராஜா.
குஜராத்தில் சௌராஷ்ட்ரா தமிழ் சங்கம் நிகழ்ச்சி நடந்து வருகிறது. இந்த நிகழ்ச்சியில் பங்கேற்பதற்காக தமிழகத்தில் பல்வேறு மாவட்டங்களில் இருந்து சிறப்பு ரயில் இயக்கப்படுகிறது.
மதுரை ரயில் நிலையத்திலிருந்து சிறப்பு ரயிலில் பயணம் செய்த பயணிகளை பாஜக மூத்த தலைவர் எச். ராஜா வழி அனுப்பி வைத்தார். அப்போது அவர் செய்தியாளர்களிடம் பேசியபோது, திமுக நிர்வாகிகள் 17 பேரின் சொத்து பட்டியலை வெளியிட்டு இருக்கிறார் அண்ணாமலை. பட்டியலில் இடம்பெற்றுள்ள ஸ்டாலின் , உதயநிதி , கனிமொழி உள்ளிட்ட 17 பேரும் அண்ணாமலை வெளியிட்டிருக்கும் சொத்துக்கள் எங்களுடையது அல்ல என்று சொல்ல வேண்டியது தானே அந்த சொத்திற்கும் எங்களுக்கும் எந்த தொடர்பும் இல்லை என்று கூற வேண்டியது தானே என கேள்வி எழுப்பி உள்ளார்.
அண்ணாமலை வெளியிட்டு இருக்கும் சொத்து பட்டியலில் தனியார் கம்பெனிகள், கல்லூரி நிறுவனங்கள் என்று எதுவும் எங்களுடையது அல்ல என்று திமுகவினர் வாய் திறந்து சொல்லி இருக்கிறார்களா? ஒரு குறிப்பிட்டவர் ரயிலில் டிக்கெட் எடுக்காமல் பயணம் செய்தவர் கருணாநிதி.
ஓசியில் பயணம் செய்தவர் சினிமாவில் கதை எழுதியதால் மட்டுமே அவருக்கு பணம் கிடைத்தது. அப்படி இருக்கின்ற போது அவரது குடும்பத்தினருக்கு இத்தனை லட்சம் கோடி சொத்து வந்தது எப்படி? என்ற கேள்வியை எழுப்பி இருக்கிறார்.
அண்ணாமலை வெளியிட்ட சொத்துக்களுக்கும் தங்களுக்கும் எந்த தொடர்பும் இல்லை என்றால் திமுக நிர்வாகிகள் நீதிமன்றத்திற்கு செல்ல வேண்டியது தானே என்ற கேள்வியை எழுப்பி இருக்கிறார்.