சொத்துக்குவிப்பு வழக்கில் இருந்து அமைச்சர் பொன்முடியை விடுவித்து தீர்ப்பளித்தது நீதிமன்றம்.
சோழர்களுக்கும், சீனர்களுக்கும் தொடர்பா?- அகழாய்வில் சீன பானை ஓடு!
தி.மு.க.வின் மூத்த தலைவர்களில் ஒருவரும், தற்போதையை தமிழக உயர்கல்வித்துறை அமைச்சருமான பொன்முடி மற்றும் அவரது மனைவி வருமானத்துக்கு அதிகமாக சொத்து சேர்த்ததாக, அவர்கள் மீது கடந்த 2006- ஆம் ஆண்டு லஞ்ச ஒழிப்புத்துறை வழக்குப்பதிவு செய்திருந்தது.
லஞ்ச ஒழிப்புத்துறையால் பதிவுச் செய்யப்பட்ட வழக்கை விழுப்புரம் மாவட்ட முதன்மை அமர்வு நீதிமன்றம் விசாரித்து வந்தது. கடந்த 2022- ஆம் ஆண்டு நவம்பரில் வழக்கு மாற்றப்பட்டு, வேலூர் மாவட்ட முதன்மை அமர்வு நீதிமன்றம் விசாரித்து வந்தது.
தமிழக லஞ்ச ஒழிப்புத்துறை மற்றும் அமைச்சர் பொன்முடி உள்பட அனைத்து தரப்பு வாதங்களும் நிறைவடைந்த நிலையில், வாதங்களை அனைத்தும் பதிவு செய்துக் கொண்ட நீதிபதி, இந்த வழக்கு தொடர்பாக இன்று (ஜூன் 28) மாலை 05.00 மணிக்கு தீர்ப்பு வழங்கினார்.
வங்கியில் வருமான வரித்துறையினர் விடிய விடிய சோதனை!
தீர்ப்பில், போதிய ஆதாரங்கள் இல்லாத காரணத்தினாலும், உரிய சாட்சியங்கள், முகாந்திரம் இல்லாததாலும் சொத்துக்குவிப்பு வழக்கில் அமைச்சர் பொன்முடி மற்றும் அவரது மனைவி விடுவிக்கப்படுவதாகத் தெரிவிக்கப்பட்டுள்ளது.
சுமார் 15 ஆண்டுகளுக்கு மேலாக, இந்த வழக்கு தொடர்பான விசாரணை நீதிமன்றத்தில் நடைபெற்று வந்த நிலையில், இன்று தீர்ப்பு வழங்கப்பட்டுள்ளது என்பது குறிப்பிடத்தக்கது.