தென்கிழக்கு வங்கக்கடலில் புதிய காற்றழுத்த தாழ்வு பகுதி உருவானது.
புதிய காற்றழுத்த தாழ்வு பகுதி காரணமாக அடுத்த 4 நாட்களுக்கு தமிழ்நாட்டில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. வரும் நாட்களில் இந்த காற்றழுத்த தாழ்வு பகுதி புயலாகவும் மாற வாய்ப்பிருப்பதாக அறிவிக்கப்பட்டுள்ளது. புயலாக மாறினால் தமிழகத்தையொட்டி கரையை கடக்கலாம் என வானிலை ஆய்வு மையம் தெரிவித்துள்ளது.
முன்னதாக கடந்த 8 ஆம் தேதி தென் மேற்கு வங்க கடல் பகுதியில் உருவான மாண்டஸ் புயல் காரணமாக, தமிழகத்தின் பல்வேறு பகுதிகளிலும் பரவலாக கனமழை கொட்டித்தீர்த்தது. கடல் அலைகள் இயல்பைக் காட்டிலும் இரண்டில் இருந்து மூன்று அடி உயரத்திற்கு மேல் எழும்புகிறது. இது மேற்கு-வடமேற்கு திசையில் நகர்ந்து, புதுச்சேரி மற்றும் ஸ்ரீஹரிகோட்டா இடையே வட தமிழ்நாடு, புதுச்சேரி மற்றும் அதை ஒட்டிய மாமல்லபுரம் அருகே கடற்கரையை கடந்தது. புயல் கரையை கடந்த போது சுமார் 75 கிலோ மீட்டர் வேகத்தில் காற்று வீசியது குறிப்பிடத்தக்கது