நாகை- இலங்கை இடையிலான பயணிகள் கப்பல் போக்குவரத்து தொடங்கப்பட்ட மறுநாளே ரத்துச் செய்யப்பட்டுள்ளது.
“கனிமொழி பேச்சால் அண்ணனாகப் பெருமைப்படுகிறேன்”- முதலமைச்சர் மு.க.ஸ்டாலின் பேச்சு!
40 ஆண்டுகளுக்கு பின் நாகையில் இருந்து இலங்கை காங்கேசம் துறைமுகம் இடையிலான கப்பல் போக்குவரத்து நேற்று (அக்.14) தொடங்கப்பட்டது. இந்த கப்பலில் 50 பயணிகள் கடல் வழியாக இலங்கைக்கு பயணம் செய்தனர். மீண்டும் இலங்கை காங்கேசம் துறைமுகத்தில் இருந்து புறப்பட்ட பயணிகள் கப்பல், நாகை துறைமுகம் வந்தடைந்தது.
கப்பலில் ஆர்வமுடன் வந்திறங்கிய 30 இலங்கை பயணிகளுக்கு நாகை துறைமுக அலுவலர்கள், இனிப்புகளைக் கொடுத்து வரவேற்றனர். இந்த நிலையில், இரண்டாவது நாளில் நாகையில் இருந்து இலங்கை காங்கேசம் துறைமுகம் செல்லவிருந்த கப்பல் போக்குவரத்து கடைசி நேரத்தில் ரத்துச் செய்யப்பட்டது.
இலங்கைக்கு செல்ல 7 பயணிகள் மட்டுமே முன்பதிவு செய்ததால் கப்பல் போக்குவரத்தை ரத்துச் செய்ததாகவும், இனி, திங்கள்கிழமை, புதன்கிழமை, வெள்ளிக்கிழமை என வாரத்தில் மூன்று நாட்கள் மட்டுமே இயக்கப்படும் எனவும் தெரிவிக்கப்பட்டுள்ளது.