அம்பாசமுத்திரம் தொகுதியில் பொதுவேட்பாளராகப் போட்டியிடுவது குறித்து திமுக, அதிமுக ஆகிய இரு கட்சிகளும் பெருந்தன்மையுடன் ஆதரவு அளித்தால் அதனை ஏற்றுக்கொள்வேன் என்று நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.
இதுதொடர்பாக எழுப்பப்பட்ட கேள்விக்கு, “பசியோடு இருப்பவன் பிரியாணி வேண்டாம் என்பானா?” என்று அவர் பதிலளித்துள்ளார்.
பொதுவேட்பாளர் குறித்து நானே முடிவெடுக்கவில்லை!
அம்பாசமுத்திரம் தொகுதியில் பொதுவேட்பாளராகப் போட்டியிடுவது குறித்து இதுவரை தானே எந்த முடிவும் எடுக்கவில்லை என்று சீமான் தெரிவித்துள்ளார். தன்னைப் பொதுவேட்பாளராக நிறுத்துவது குறித்த தகவல்களைக் கிளப்பிவிடுவது தமிழக வெற்றிக் கழகத்தினர்தான் என்றும் அவர் கூறியுள்ளார்.
மேலும், தாம் சட்டமன்றத்துக்குச் செல்ல வேண்டும் என்று பலரும் விரும்புவதாகக் குறிப்பிட்ட சீமான், அம்பாசமுத்திரம் தொகுதியில் போட்டியிடுவது என்பதில் உறுதியாக இருப்பதாகத் தெரிவித்துள்ளார்.
திமுக, அதிமுக ஆதரவு அளித்தால் ஏற்பேன்!
தேர்தலில் போட்டியிட வேண்டாம் என்று திமுகவும், அதிமுகவும் இதுவரை எந்த முடிவும் எடுக்கவில்லை என்றும் சீமான் கூறியுள்ளார். அதேநேரத்தில், இரு கட்சிகளும் தனக்கு ஆதரவு அளித்தால் அதை வேண்டாம் என்று எப்படிக் கூற முடியும் எனக் கேள்வி எழுப்பியுள்ளார்.
இதுகுறித்து அவர், “திமுக, அதிமுக பெருந்தன்மையுடன் என்னை ஆதரித்தால் ஏற்பேன். பசியோடு இருப்பவன் பிரியாணி வேண்டாம் என்பானா?” என்று தெரிவித்துள்ளார்.
அம்பாசமுத்திரம் தொகுதியில் போட்டியிடுவது தொடர்பாகத் தனது நிலைப்பாட்டைத் தெளிவுபடுத்தியுள்ள சீமானின் இந்தக் கருத்து அரசியல் வட்டாரத்தில் கவனம் பெற்றுள்ளது.
சீமானுக்கு ஆதரவா? செய்தியாளர்களின் கேள்விக்கு மு.க.ஸ்டாலின் பதில்!