தமிழகத்தில் செயல்படுத்தப்பட்ட Smart Cities Mission திட்டங்களில் பல்வேறு முறைகேடுகள் மற்றும் திட்டமிடல் குறைபாடுகள் இருப்பதாக இந்திய தலைமை கணக்குத் தணிக்கையாளர் (CAG) அறிக்கை சுட்டிக்காட்டியுள்ளது. செப்டம்பர் 9-ம் தேதி தமிழக சட்டப்பேரவையில் தாக்கல் செய்யப்பட்ட செயல்திறன் தணிக்கை அறிக்கையில், அங்கீகரிக்கப்பட்ட திட்டங்களுக்கு வெளியே மேற்கொள்ளப்பட்ட பணிகள், நிதி பயன்பாட்டில் ஏற்பட்ட மாற்றங்கள் மற்றும் பயன்படுத்தப்படாமல் இருக்கும் சொத்துகள் குறித்து பல்வேறு தகவல்கள் இடம்பெற்றுள்ளன.
₹623.86 கோடியில் 44 திட்டங்கள்!
CAG ஆய்வு செய்த நகரங்களில், அங்கீகரிக்கப்பட்ட திட்டங்களில் இடம்பெறாத 44 திட்டங்களுக்கு ₹623.86 கோடி செலவிடப்பட்டதாக அறிக்கையில் குறிப்பிடப்பட்டுள்ளது.
இதில் 21 திட்டங்கள் Smart Cities Mission-க்காக வரையறுக்கப்பட்ட Area-Based Development (ABD) பகுதிகளுக்கு வெளியே முழுமையாக செயல்படுத்தப்பட்டதாகவும் தணிக்கை அறிக்கை தெரிவித்துள்ளது.
மேலும் 70 திட்டங்கள் அங்கீகரிக்கப்பட்ட பகுதிக்கு வெளியே!
மொத்தமாக 70 திட்டங்களுக்கு ₹655.43 கோடி செலவிடப்பட்ட நிலையில், அவை அங்கீகரிக்கப்பட்ட ABD பகுதிகளுக்கு வெளியே செயல்படுத்தப்பட்டதாக CAG கண்டறிந்துள்ளது.
Smart Cities Mission-ன் கீழ் குறிப்பிட்ட பகுதிகளில் திட்டமிட்டு நகர்ப்புற வசதிகளை மேம்படுத்த வேண்டும் என்ற நிலையில், இந்த விதிமீறல்கள் திட்டத்தின் செயல்பாட்டு முறையைப் பற்றிய கேள்விகளை எழுப்பியுள்ளன.
₹115.92 கோடி சொத்துகள் முழுமையாக பயன்பாட்டில் இல்லை!
Smart City திட்டத்தின் கீழ் உருவாக்கப்பட்ட Multi-Level Car Parking மற்றும் வணிக வளாகங்கள் உள்ளிட்ட ₹115.92 கோடி மதிப்பிலான சொத்துகள் முழுமையாக பயன்படுத்தப்படாமல் அல்லது குறைந்த அளவில் மட்டுமே பயன்படுத்தப்பட்டதாக CAG தெரிவித்துள்ளது.
சில இடங்களில் லிப்ட், automation system, access ramp போன்ற வசதிகள் முழுமையாக அமைக்கப்படாததால், அந்த கட்டமைப்புகள் எதிர்பார்த்த அளவில் செயல்படவில்லை என்றும் அறிக்கை சுட்டிக்காட்டியுள்ளது.
மதுரையில் ₹2.62 கோடி Tourism Plaza
மதுரையில் Smart City திட்டத்தின் கீழ் ₹2.62 கோடி செலவில் கட்டப்பட்ட Tourism Plaza நீண்ட காலமாக பயன்படுத்தப்படாமல் இருப்பதாக CAG அறிக்கையில் கூறப்பட்டுள்ளது.
பல ஆண்டுகளாக பராமரிப்பின்றி கிடந்த இந்த சொத்து, திட்டத்தின் நோக்கம் மற்றும் நடைமுறை பயன்பாடு ஆகியவற்றுக்கு இடையேயான இடைவெளியை வெளிப்படுத்துவதாக அமைந்துள்ளது.
சேலம் பழைய பேருந்து நிலையத்திலும் குறைந்த பயன்பாடு
சேலம் பழைய பேருந்து நிலைய மறுசீரமைப்பு திட்டத்திற்காக ₹104.53 கோடி செலவிடப்பட்டுள்ளது.
இதன் மூலம் உருவாக்கப்பட்ட 202 வணிக கடைகளில் 39 கடைகள் மட்டுமே குத்தகைக்கு விடப்பட்டுள்ளதாக CAG குறிப்பிட்டுள்ளது. இதனால் உருவாக்கப்பட்ட வணிக இடங்களிலிருந்து எதிர்பார்க்கப்பட்ட வருவாய் முழுமையாக கிடைக்காத நிலை ஏற்பட்டுள்ளது.
₹57.72 கோடி வருவாய் குறித்தும் கேள்வி
Smart City திட்டங்களின் மூலம் கிடைத்த ₹57.72 கோடி வருவாய் சம்பந்தப்பட்ட Special Purpose Vehicles (SPVs)-க்கு செலுத்தப்படாமல் நகராட்சி நிறுவனங்களிடமே இருந்ததாகவும் CAG சுட்டிக்காட்டியுள்ளது.
Smart City திட்டங்களின் நிதி நிலைத்தன்மைக்கு SPV அமைப்புகள் முக்கியமானவை என்பதால், வருவாய் நிர்வாகத்தில் ஏற்பட்ட இந்த மாற்றம் அவற்றின் நிதி சுயாதீனத்தை பாதித்ததாக தணிக்கை அறிக்கை குறிப்பிட்டுள்ளது.
SPV அமைப்புகளின் செயல்பாடுகளிலும் குறைபாடு
Smart Cities Mission-ல் உருவாக்கப்பட்ட SPV-கள் சுயாதீனமாக திட்டங்களை திட்டமிட்டு, செயல்படுத்தி, கண்காணிக்க வேண்டும்.
ஆனால் தமிழகத்தில் ஆய்வு செய்யப்பட்ட 7 நகரங்களில் 6 நகரங்களுக்கு முழுநேர CEO நியமிக்கப்படவில்லை. இதனால் மாநகராட்சி ஆணையர்களே கூடுதல் பொறுப்புடன் SPV பணிகளையும் மேற்கொண்டதாக CAG தெரிவித்துள்ளது.
திருநெல்வேலியில் நிதி மாற்றப்பட்டதாக சுட்டிக்காட்டு
திருநெல்வேலியில் ₹8.25 கோடி மதிப்பிலான Electric Vehicle திட்டம் கைவிடப்பட்டு, அதற்காக ஒதுக்கப்பட்ட நிதி உள்ளிட்ட தொகை நகராட்சி பயன்பாட்டுக்கான street sweepers மற்றும் jet-rodding machines வாங்குவதற்கு மாற்றப்பட்டதாக CAG அறிக்கை குறிப்பிட்டுள்ளது.
இதுபோன்ற நிதி மாற்றங்கள், திட்டங்களுக்கு ஒதுக்கப்பட்ட நிதி எந்த நோக்கத்திற்காக பயன்படுத்தப்பட வேண்டும் என்ற அடிப்படை விதிகள் குறித்து கேள்வியை எழுப்புகின்றன.
Smart City திட்டத்தின் நோக்கம் என்ன?
Smart Cities Mission-ன் முக்கிய நோக்கம் நகரங்களில் நவீன உள்கட்டமைப்பு, போக்குவரத்து வசதிகள், சுகாதாரம், வணிக கட்டமைப்பு, தொழில்நுட்ப வசதிகள் மற்றும் நகர்ப்புற சேவைகளை மேம்படுத்துவதாகும்.
ஆனால் CAG அறிக்கையில் சுட்டிக்காட்டப்பட்டுள்ள திட்டமிடல், நிதி பயன்பாடு மற்றும் சொத்துகளின் குறைந்த பயன்பாடு போன்ற குறைபாடுகள், திட்டங்களின் இறுதி பலன் பொதுமக்களுக்கு எந்த அளவுக்கு சென்றடைந்துள்ளது? என்ற கேள்வியை எழுப்பியுள்ளது.
₹624 கோடி “வீணானது” என்று அர்த்தமா?
இங்கு முக்கியமாக கவனிக்க வேண்டியது, ₹623.86 கோடியும் முழுமையாக வீணான பணம் என்று CAG கூறவில்லை.
அந்த தொகை அங்கீகரிக்கப்பட்ட திட்டங்களுக்கு வெளியே மேற்கொள்ளப்பட்ட 44 திட்டங்களுக்காக செலவிடப்பட்டதாக தணிக்கை அறிக்கை சுட்டிக்காட்டுகிறது. அதேபோல் ₹115.92 கோடி மதிப்பிலான சொத்துகள் முழுமையாக பயன்பாட்டில் இல்லாதது தனியாக குறிப்பிடப்பட்டுள்ளது.
இதனால், தமிழக Smart Cities Mission திட்டங்களில் திட்டமிடல், நிதி நிர்வாகம் மற்றும் உருவாக்கப்பட்ட சொத்துகளின் பயன்பாடு ஆகியவை குறித்து CAG எழுப்பியுள்ள கேள்விகள் தற்போது முக்கிய விவாதமாகியுள்ளன.
மதுராந்தகம் திமுக வேட்பாளர் ஐ. பரந்தாமன் தலைவர் மு.க. ஸ்டாலினிடம் வாழ்த்து பெற்றார்!