அரசு நிகழ்ச்சிகள் மற்றும் பொதுத்துறை நிகழ்வுகளில் தமிழ்த்தாய் வாழ்த்து எப்போதும் முதலில் பாடப்பட வேண்டும் என்பதை வலியுறுத்தி தமிழ்நாடு சட்டப்பேரவையில் தனித் தீர்மானம் நிறைவேற்றப்பட்டிருப்பது மிகுந்த வரவேற்பிற்குரியது என்று இந்திய கம்யூனிஸ்ட் கட்சி தெரிவித்துள்ளது.
சட்டமன்றத் தீர்மானம் வரவேற்பு: தமிழ்நாடு சட்டப்பேரவையில் முதலமைச்சர் கொண்டு வந்த தமிழ்த்தாய் வாழ்த்து குறித்த தனித் தீர்மானம் ஒருமனதாக நிறைவேற்றப்பட்டுள்ளது பாராட்டுக்குரியது.
மரபு மீறல் விவகாரம்: அண்மையில் மனோன்மணியம் சுந்தரனார் பல்கலைக்கழக பட்டமளிப்பு விழாவில், மக்களால் தேர்ந்தெடுக்கப்பட்ட அரசின் வழிகாட்டலைப் பின்பற்றாமல், ஆளுநரின் ஆலோசனையின்பேரில் ‘வந்தே மாதரம்’ முதலில் பாடப்பட்டு, தமிழ்த்தாய் வாழ்த்து மூன்றாம் இடத்திற்குத் தள்ளப்பட்டது வழக்கமான மரபை மீறிய செயலாகும்.
ஒன்றிய அரசுக்கு கோரிக்கை: தமிழ்த்தாய் வாழ்த்துப் பாடலை மூன்றாம் இடத்திற்குத் தள்ளிவிடும் ஒன்றிய அரசின் சுற்றறிக்கையை உடனடியாகத் திரும்பப் பெற, தமிழ்நாடு அரசு வலுவான அழுத்தம் தர வேண்டும் என இந்திய கம்யூனிஸ்ட் கட்சி கேட்டுக்கொள்கிறது.
“தோற்றால் மாவட்ட செயலாளர்கள் காரணமா?” – எடப்பாடி பழனிசாமி மீது சி.வி.சண்முகம் கடும் ஆவேசம்!