தூத்துக்குடியில் மனைவி மற்றும் கைக்குழந்தையுடன் இருசக்கர வாகனத்தில் சென்ற பிரின்ஸ்டன் என்பவர் மீது, மற்றொரு இருசக்கர வாகனத்தில் வந்த போதைக் கும்பல் மோதித் தாக்குதல் நடத்தியதாகக் கூறப்படும் சம்பவம் அதிர்ச்சியை ஏற்படுத்தியுள்ளது.
இந்தத் தாக்குதலில் படுகாயமடைந்த பிரின்ஸ்டன் மருத்துவமனையில் தீவிர சிகிச்சை பெற்று வருகிறார். இச்சம்பவம் தொடர்பாக திமுக நாடாளுமன்ற உறுப்பினர் கனிமொழி தனது கண்டனத்தைத் தெரிவித்துள்ளார்.
காவல்துறையிடம் புகார் அளித்தால் கொலை மிரட்டல்
பிரின்ஸ்டன் தனது மனைவி மற்றும் கைக்குழந்தையுடன் இருசக்கர வாகனத்தில் சென்றுகொண்டிருந்தபோது, மற்றொரு இருசக்கர வாகனத்தில் வந்த கும்பல் அவரது வாகனத்தின் மீது மோதியதாகக் கூறப்படுகிறது.
தொடர்ந்து, அவரை அந்தக் கும்பல் கொடூரமாகத் தாக்கியதாகவும் தெரிவிக்கப்பட்டுள்ளது. மேலும், காவல்துறையிடம் புகார் அளித்தால் குடும்பத்தினரைக் கொன்றுவிடுவதாகத் தாக்குதலில் ஈடுபட்டவர்கள் மிரட்டியதாகப் பாதிக்கப்பட்டவர் புகார் தெரிவித்துள்ளார்.
ஸ்டெர்லைட் துப்பாக்கிச் சூட்டில் காயமடைந்தவர்
கடந்த காலத்தில் ஸ்டெர்லைட் துப்பாக்கிச் சூட்டின்போது காலில் குண்டடிபட்டு, பின்னர் செயற்கைக் கால் பொருத்தப்பட்ட மாற்றுத்திறனாளியாக வாழ்ந்து வரும் பிரின்ஸ்டனுக்கு இத்தகைய தாக்குதல் நேர்ந்திருப்பது வேதனை அளிப்பதாக கனிமொழி குறிப்பிட்டுள்ளார்.
மேலும், தமிழகத்தில் போதைப்பொருள் பழக்கத்துடன் தொடர்புடைய கும்பல்களின் அட்டூழியங்கள் அதிகரித்துள்ளதாகவும், தவெக ஆட்சியில் சாமானிய மக்கள் சாலையில் பாதுகாப்பாகச் செல்ல முடியாத நிலை உருவாகியுள்ளதாகவும் அவர் விமர்சித்துள்ளார்.
காவல்துறை உடனடியாக நடவடிக்கை எடுக்க வலியுறுத்தல்
பிரின்ஸ்டன் அளித்துள்ள புகாரின் அடிப்படையில் காவல்துறை உடனடியாக நடவடிக்கை எடுக்க வேண்டும் என கனிமொழி வலியுறுத்தியுள்ளார்.
பாதிக்கப்பட்ட பிரின்ஸ்டனுக்கும் அவரது மனைவி மற்றும் குழந்தைக்கும் உரிய பாதுகாப்பு வழங்க வேண்டும் என்றும் அவர் கோரிக்கை விடுத்துள்ளார்.
மாவட்ட ஆட்சியருக்கே பாதுகாப்பற்ற நிலைமை! – த.வெ.க. ஆட்சி மீது கனிமொழி கடும் குற்றச்சாட்டு