இந்திய பங்குச்சந்தையில் மருந்து நிறுவனங்களின் பங்கு விலை வீழ்ச்சி அடைந்துள்ளது.
மேலும், இது குறித்து அமெரிக்க அதிபர் டொனால்டு ட்ரம்ப், தனது சமூக வலைத்தள பக்கத்தில் விடுத்துள்ள பதிவில், “வெளிநாடுகளில் உற்பத்தி செய்யப்பட்டு அமெரிக்காவில் இறக்குமதி செய்யப்படும் மருந்து பொருட்களுக்கு 100% வரி விதிக்கப்படும் என அதிரடியாக அறிவித்துள்ளார். அதே வேளையில், அமெரிக்காவில் உற்பத்தி செய்யப்படும் மருந்து நிறுவனங்களுக்கு வரி எதுவும் விதிக்கப்படாது எனவும் தெரிவித்துள்ளாா். இந்த வரி விதிப்பு வரும் அக்டோபர் 1-ம் தேதி முதல் அமலுக்கு வரும் என தெரிவித்துள்ளார். ட்ரம்பின் இந்த அறிவிப்பால், இந்திய மருந்து நிறுவனங்களுக்கு சிக்கல் ஏற்பட்டுள்ளதாக கூறப்படுகிறது”.
இந்நிலையில், அமெரிக்காவின் 100% வரி விதிப்பு காரணமாக இந்திய பங்குச்சந்தையில் மருந்து நிறுவனங்களின் பங்கு விலை வீழ்ச்சி அடைந்துள்ளது. குறிப்பாக சன் பார்மா 4 சதவீதமும், பயோகான் பங்கு விலை 3.7 சதவீதமும் சரிந்துள்ளது. அபாட் இந்தியா பங்கு விலை 3.4 சதவீதம் விலை சரிந்து வர்த்தகமாகிறது. லூபின் நிறுவன பங்கு விலை 2.4 சதவீதமும் சிப்லா, டாக்டர் ரெட்டீஸ் லேப், அரவிந்தோ பார்மா பங்குகள் விலை 2% சரிந்துள்ளன. நாட்கோ பார்மா, லாரஸ் லேப்ஸ், க்ளாண்ட் பார்மா மற்றும் ஐபிசிஏ லேபரட்டரீஸ் ஆகியவற்றின் பங்குகள் தலா 3%க்கும் அதிகமாக சரிந்தன. அதே நேரத்தில் ஜைடஸ் லைப் ஸ்டைல்ஸ், டிவிஸ் லேபரட்டரீஸ், அஜந்தா பார்மா, கிரானுல்ஸ் இந்தியா, அல்கெம் லேபரட்டரீஸ் மற்றும் மேன்கைண்ட் பார்மா ஆகிய மருந்து நிறுவனங்களின் பங்குகள் 2%க்கும் அதிகமாக சரிந்தன. இதனால் நிஃப்டி பார்மா குறியீடு 2.6% கீழ் குறைந்தது.
அடுத்த ஆண்டிற்கு தள்ளிப்போகும் பிரதீப் ரங்கநாதனின் ‘எல்ஐகே’?
