காதல் ஜோடிக்கு மிரட்டல்-காவல் நிலையத்தில் தஞ்சம்

காதல் ஜோடிக்கு மிரட்டல் – போலீஸ் நிலையத்தில் தஞ்சம் அடைந்தனர்.

கிருஷ்ணகிரி அருகே காதல் திருமணம் செய்து கொண்ட மாணவி உயிருக்கு அஞ்சி தாலுகா போலீஸ் நிலையத்தில் கணவருடன் தஞ்சமடைந்துள்ளார்.

கிருஷ்ணகிரி ஆலப்பட்டி கிராமத்தைச் சேர்ந்த தேவேந்திரன் என்ற வாலிபர் ஓட்டுனராக பணிபுரிந்து வருகிறார். இவருக்கும் அதே பகுதியை சேர்ந்த கனிமொழி என்ற பிலிப்பைன்ஸ் நாட்டில் மருத்துவம் படிக்கும் மாணவிக்கும் இடையே கடந்த சில வருடங்களுக்கு முன்பு காதல் மலர்ந்துள்ளது.

காதலர்களின் இரு வீட்டிலும் எதிர்ப்பு தெரிவித்ததால் இருவரும் வீட்டை விட்டு வெளியேறி தர்மபுரி மாவட்டம் நல்லம்பள்ளியில் உள்ள பெருமாள் கோவிலில் திருமணம் செய்து கொண்டனர். இந்நிலையில் தனது குடும்பத்தார் தொடர்ந்து கொலை மிரட்டல் விடுப்பதாகக் கூறி கிருஷ்ணகிரி தாலுகா காவல் நிலையத்தில் பாதுகாப்பு கேட்டு தேவேந்திரனுடன் கனிமொழி தஞ்சமடைந்துள்ளார்.