சியான் 64 படத்தின் இயக்குனர் மாற்றப்பட்டுள்ளதாக தகவல் வெளியாகி உள்ளது.
தமிழ் சினிமாவில் முக்கியமான நடிகர்களில் ஒருவரான விக்ரம் கடைசியாக ‘வீர தீர சூரன் பாகம் 2’ படத்தில் நடித்திருந்தார். மிகுந்த எதிர்பார்ப்புகளுடன் வெளியான இந்த படம் கலவையான விமர்சனங்களை பெற்றது. இதற்கிடையில் இவர். மடோன் அஸ்வின் இயக்கத்தின் தனது 63வது திரைப்படத்தில் நடிப்பதற்கு ஒப்பந்தமானார். ஆனால் இதுவரை படப்பிடிப்பு தொடங்கப்படவில்லை. இது தவிர விக்ரம், ‘மெய்யழகன்’ படத்தின் இயக்குனர் பிரேம்குமார் இயக்கத்தில் நடிக்கப் போவதாகவும் இப்படத்தை ஐசரி கணேஷ் தயாரிக்கப் போவதாகவும் அறிவிப்பு வெளியானது. எனவே விரைவில் இதன் படப்பிடிப்பு தொடங்கும் என எதிர்பார்க்கப்பட்டது. ஆனால் பிரேம்குமார் தற்போது இந்த படம் தொடர்பாக ஸ்கிரிப்ட் எழுதும் பணிகளில் ஈடுபட்டு வருவதாகவும் இன்னும் சில மாதங்கள் கழித்த பின்னர்தான் இந்த படம் தொடர்பான மற்ற அப்டேட்டுகள் வெளியாகும் எனவும் சொல்லப்படுகிறது.
ஆகையினால் விக்ரமின் 64வது படத்தை பிரேம்குமார் இயக்கப்போவதில்லை என்பது இதன் மூலம் உறுதி செய்யப்பட்டுள்ளது. எனவே ‘சியான் 64’ படத்தின் இயக்குனர் யாராக இருக்கும்? என்ற கேள்வி எழுந்துள்ளது. அதாவது ஏற்கனவே வெளியான தகவலின் படி விஷ்ணு எடாவனும் விக்ரமின் லைன் அப்-ல் இருக்கிறார். இவர்தான் சியான் 64 படத்தை இயக்கப்போகிறார் என்றும் இப்படத்தில் அனிருத் இசையமைப்பாளராக பணியாற்ற உள்ளார் என்றும் தற்போதைய தகவல்கள் தெரிவிக்கின்றன. விரைவில் அதிகாரப்பூர்வ அறிவிப்பு வெளியாகும் என நம்பப்படுகிறது.