பிரபாஸ் நடிக்கும் ஹாரர் காமெடி படத்தின் முக்கிய அப்டேட் வெளியாகியுள்ளது.
பான் இந்திய அளவில் வெளியான பாகுபலி 1 மற்றும் பாகுபலி 2 ஆகிய படங்களுக்கு பிறகு இந்திய அளவில் ஏராளமான ரசிகர்களை சேகரித்து வைத்திருப்பவர் பிரபாஸ். இவர் தொடர்ந்து அடுத்தடுத்த படங்களில் பிசியாக நடித்து வருகிறார். அந்த வகையில் ஏற்கனவே சலார் 2, கல்கி 2898AD 2, ஸ்பிரிட் போன்ற படங்களை கைவசம் வைத்துள்ளார். இன்னும் சில படங்களிலும் கமிட் ஆகி வருகிறார். இதற்கிடையில் இவர், தி ராஜாசாப் எனும் காமெடி கலந்த ஹாரர் படத்தில் நடிக்கிறார். இதில் இவருடன் இணைந்து மாளவிகா மோகனன், நிதி அகர்வால், யோகி பாபு மற்றும் பலர் நடிக்கின்றனர். இயக்குனர் மாருதி இந்த படத்தை இயக்க பீப்பிள் மீடியா ஃபேக்டரி நிறுவனம் இதனை தயாரிக்கிறது. தமன் இதற்கு இசை அமைக்கிறார். மிகுந்த எதிர்பார்ப்புகளுடன் உருவாகி வரும் இந்த படத்தின் டீசர் ஏற்கனவே படக்குழுவினர் சார்பில் வெளியிடப்பட்டு ரசிகர்கள் மத்தியில் நல்ல வரவேற்பை பெற்றது. 
அதே சமயம் இப்படம் 2025 டிசம்பர் 5ஆம் தேதி உலகம் முழுவதும் திரைக்கு வரும் என அறிவிக்கப்பட்டுள்ளது. இந்நிலையில் இன்று (செப்டம்பர் 29) மாலை 6:00 மணி அளவில் இப்படத்தின் ட்ரெய்லர் வெளியாகும் என அதிகாரப்பூர்வமாக அறிவிக்கப்பட்டுள்ளது. அதுமட்டுமில்லாமல் இந்த ட்ரெய்லர் வருகின்ற அக்டோபர் 2ஆம் தேதி திரைக்கு வரவுள்ள ‘காந்தாரா சாப்டர் 1’ படத்தின் போதும் ஒளிபரப்பப்படும் எனவும் கூறப்படுகிறது. இந்த தகவல் ரசிகர்களுக்கு உற்சாகத்தை தந்துள்ளது.