மகளிர் காவல் நிலைய ஆய்வாளர் லஞ்சம் வாங்கியதால், கையும், களவுமாக இணை ஆணையரிடம் சிக்கினாா். இதன் காரணமாக காத்திருப்போர் பட்டியலுக்கு மாற்றப்பட்டாா்.
கோயம்பேடு மகளிர் காவல் நிலைய ஆய்வாளராக தாஹிரா பணிபுரிந்து வருகிறார். இந்த நிலையில், காதலனால் ஏமாற்றப்பட்டு, கர்ப்பமடைந்த பெண் ஒருவர் இவரிடம் புகார் அளிக்க வந்ததாகவும், புகாரில் விசாரணை மேற்கொள்வதாக கூறி அவரது கையில் மருத்துவ செலவுக்காக இருந்த ரூ.1,500 ஆய்வாளர் தாஹிரா வாங்கிக் கொண்டதாக தெரிகிறது.
இந்நிலையில், புகார் அளிக்க வந்த பெண் மேற்கு மண்டல இணை ஆணையர் திஷா மிட்டலை சந்தித்து, தனது புகாரில் நடவடிக்கை எடுக்கவில்லை எனவும், கையில் இருந்த பணத்தை ஆய்வாளர் தாஹிரா நடவடிக்கை எடுப்பதாக வாங்கிக் கொண்டதாகவும் தெரிவித்துள்ளார். உடனடியாக இணை ஆணையர் உண்மையை கண்டறிய, பாதிக்கப்பட்ட பெண்ணை வைத்து ஆய்வாளருக்கு செல்போனில் அழைத்துப் பேச வைத்துள்ளார்.
“தனது குடும்பச் செலவுக்கு இருந்த பணத்தை நீங்கள் வாங்கிக் கொண்டீர்கள்; அதை கொடுத்து விடுங்கள் மேடம்” என்று கேட்டதற்கு, “நீ என்ன கொடுத்த பணத்தை கேட்கிறாய்” என ஆய்வாளர் அதற்கு பதில் அளித்ததாகவும், மறுமுனையில் இருந்த இணை ஆணையர் திஷா மிட்டல், உண்மையை தெரிந்து கொண்டு உடனடியாக ஆய்வாளர் தாஹிராவை காத்திருப்போர் பட்டியலுக்கு மாற்றியதாக தகவல் வெளியாகி உள்ளது.
இதே போன்று, விருகம்பாக்கம் சரக உதவி ஆணையர் பாலகிருஷ்ண பிரபு உதவி ஆய்வாளர் பெனாசிர் இருவரும் காத்திருப்போர் பட்டியலுக்கு மாற்றம் செய்யப்பட்ட பாலியல் தொல்லை வழக்கில், கனடாவில் வசிக்கும் NRI ஒருவருக்கு, ஜாமீன் கிடைக்க உடந்தையாக இருந்தனர் என குற்றச்சாட்டு எழுந்தது.
கனடா நாட்டில் வசிக்கும் நபர் ஒருவரால் தொடர் பாலியல் தொல்லைக்கு உள்ளான பெண், புகார் அளித்து நடவடிக்கை எடுக்கவில்லை எனவும், மாறாக விசாரணைக்கு வந்த நபரை தப்ப வைத்த ஏதுவாக முன்ஜாமீன் பெறுவதற்கு உடந்தையாக இருந்ததாகவும் இதனால் அவர் கனடா நாட்டிற்கு தப்பி சென்று விட்டார் என பாதிக்கப்பட்ட பெண் காவல் ஆணையரிடம் புகார் அளிக்க காவல் ஆணையர் உத்தரவின் அடிப்படையில், மேற்கு மண்டல இணை ஆணையர் திசா மிட்டல் விசாரணை நடத்தி, இதற்கு உடந்தையாக இருந்ததாக கூறி உதவி ஆணையர் பாலகிருஷ்ண பிரபு, W33 மகளிர் காவல் நிலைய உதவி ஆய்வாளர் பெனாசீர் இருவரையும் காத்திருப்போர் பட்டியலுக்கு மாற்றி உத்தரவிட்டுள்ளார். தொடர்ந்து இருவரிடமும் துரை ரீதியான விசாரணை நடத்தப்பட்டு வருகிறது.
இலங்கை அரசமைப்பு மாற்றத்தில் இந்தியா தலையிட வேண்டும் – திருமாவளவன் வலியுறுத்தல்