தேரே இஷ்க் மெய்ன் படத்தின் ஃபர்ஸ்ட் டே கலெக்ஷன் அப்டேட் வெளியாகியுள்ளது.
பாலிவுட்டில் தனுஷ் – ஆனந்த் எல்.ராய் கூட்டணியில் ஏற்கனவே ராஞ்சனா, அத்ரங்கி ரே ஆகிய படங்கள் வெளியாகி ரசிகர்களை வெகுவாக கவர்ந்தது. அதைத்தொடர்ந்து இவர்களது கூட்டணியில் தேரே இஷ்க் மெய்ன் எனும் திரைப்படமும் உருவானது. இந்த படம் நேற்று (நவம்பர் 28) உலகம் முழுவதும் வெளியாகி வெற்றி நடைபோட்டு வருகிறது. உணர்வுபூர்வமான காதல் கதையில் வெளியான இந்த படத்தை கலர் எல்லோ ப்ரோடக்ஷன்ஸ் நிறுவனம் தயாரிக்க ஏ.ஆர். ரகுமான் இதற்கு இசையமைத்துள்ளார். இதில் தனுஷ் உடன் இணைந்து க்ரித்தி சனோன் நடித்துள்ளார். மேலும் பிரகாஷ் ராஜ், பிரியான்ஷு பைன்யுலி, தோட்டா ராய் சௌத்ரி மற்றும் பலர் நடித்துள்ளனர்.
தனுஷ் – க்ரித்தி சனோன் இருவரின் வாழ்க்கையையும் திருப்பிப்போட்ட அந்த சம்பவம் என்ன என்பதுதான் இந்த படத்தின் கதை. இந்த படத்தில் தனுஷ் – க்ரித்தி சனோன் இருவரின் நடிப்பும், காட்சிகளும் ரசிகர்களின் கவனத்தை ஈர்த்துள்ளது. ஏ.ஆர். ரகுமானின் பின்னணி இசை படத்திற்கு பலம் தந்துள்ளது.
இருப்பினும் இந்த படம் ரசிகர்கள் மத்தியில் கலவையான விமர்சனங்களை பெற்று வரும் நிலையில், இப்படம் வெளியான முதல் நாளில் ரூ.15 கோடிக்கும் அதிகமாக வசூல் செய்திருப்பதாக தகவல் கசிந்துள்ளது. இனிவரும் நாட்களிலும் இதன் வசூல் அதிகரிக்கும் என்று எதிர்பார்க்கப்படுகிறது.


