நடிகர் ரஜினி, பிரபல நடிகையின் காலில் விழுந்த புகைப்படம் ஒன்று இணையத்தில் வைரலாகி வருகிறது.
அன்று முதல் இன்று வரை தமிழ் சினிமாவில் ஒரே ஒரு சூப்பர் ஸ்டாராக வலம் வருபவர் நடிகர் ரஜினிகாந்த். ஆரம்பத்தில் கண்டக்டராக இருந்து விசில் அடித்த இவருக்கு, இன்று ஏராளமான ரசிகர்கள் விசில் அடிப்பார்கள் என்று யாருமே எதிர்பார்த்து இருக்க மாட்டார்கள். அந்த அளவிற்கு ஸ்டைல், மாஸ் என அனைத்திலும் தனித்து நின்று இன்றைய தலைமுறையினருக்கும் இன்ஸ்பிரேஷனாக திகழ்பவர் ரஜினி. சினிமாவில் எத்தகைய உயரத்தை அடைந்தாலும் மிகவும் எளிமையாக நடந்து கொள்பவர்.
அதாவது பிற கலைஞர்களை மதிக்கும் பண்பு ரஜினியிடம் எப்போதும் இருந்து கொண்டே இருக்கிறது. அந்த வகையில் நடிகர் ரஜினி, பிரபல நடிகையின் காலில் விழுந்து ஆசி பெற்றுள்ளார்.

சமீபத்தில் சென்னையில் கல்வியாளர் ஒய்.ஜி.பி நூற்றாண்டு விழாவில் நடிகர் ரஜினி கலந்து கொண்டார். அப்போது மூத்த நடிகை டாக்டர் வைஜெயந்தி மாலாவுக்கு கலாச்சார மேன்மைக்கான டாக்டர் திருமதி ஒய்.ஜி.பி விருதினை ரஜினி வழங்கினார்.
அப்பொழுது வைஜெயந்தி மாலாவின் காலில் விழுந்து ஆசி பெற்றார் ரஜினி. ஒரு மூத்த நடிகையை சந்தித்தபோது ரஜினி காட்டிய மரியாதை அனைவரையும் ஆச்சரியப்பட வைத்துள்ளது. மேலும் ரஜினியின் இந்த பண்புதான் அவர் எப்பொழுதும் சூப்பர் ஸ்டாராக ரசிகர்கள் மனதில் நிலைத்து இருப்பதற்கான இன்னொரு சாட்சி என்று சொல்லலாம்.


