கில்லியை சொல்லி அடித்த அஜித்!!

அஜித்தின் ‘மங்காத்தா’ திரைப்படம் மீண்டும் வெளியாகி, வசூலில் புதிய சரித்திரத்தைப் படைத்துள்ளது.தமிழகத் திரையுலகில் தற்போது ரீ-ரிலீஸ் டிரெண்ட் கலக்கி வருகிறது. புதிய படங்களுக்குக் கிடைக்கும் வரவேற்பை விட, ரசிகர்களின் ஃபேவரைட் கிளாசிக் படங்கள் மீண்டும் திரையிடப்படும்போது (Re-release) திரையரங்குகள் திருவிழாக் கோலம் பூணுகின்றன. அந்த வகையில், கடந்த 2011-ம் ஆண்டு வெளியாகி பிளாக்பஸ்டர் ஹிட்டான அஜித்தின் ‘மங்காத்தா’ திரைப்படம் மீண்டும் வெளியாகி, வசூலில் புதிய சரித்திரத்தைப் படைத்துள்ளது. “நான் ஆடுற ஆட்டம் வேற” என்று அஜித் படத்தில் சொல்வது போலவே, இந்தப் படத்தின் ரீ-ரிலீஸ் வசூலும் இப்போது வேற லெவலில் பேசப்படுகிறது.

மேலும், ரீ-ரிலீஸ் வசூலிலும் தளபதி (விஜய்) தான் கில்லி என கூறி வந்த விஜய் ரசிகா்களுக்கு அதிா்ச்சியான செய்திதான் இது. நேற்று ரீ-ரிலீஸான மங்காத்தா படம் முதல் நாளில் தமிழத்தில் மட்டும் ரூ.3.72 கோடியும், இந்திய அளவில் ரூ.4.1 கோடியும் வசூலித்துள்ளதாக தகவல் வெளியாகியுள்ளது.

முன்னதாக விஜயின் கில்லி ரீ-ரிலீஸில் முதல் நாளில் தமிழகத்தில் ரூ.3.50 கோடியும் இந்திய அளவில் ரூ.4 கோடியும் வசூலித்திருந்தது. நீண்ட நாட்களாக இந்த ‘கில்லி’ சாதனையை எந்தப் படத்தாலும் முறியடிக்க முடியாது என்று கருதப்பட்ட நிலையில், தற்போது அஜித்தின் ‘மங்காத்தா’ அந்தச் சாதனையைத் தகர்த்தெறிந்துள்ளது.

மங்காத்தா இன்று ரீ-ரிலீஸ்…ரசிகர்கள் கொண்டாட்டம்…