உலகளாவிய பொருளாதார நிச்சயமற்ற தன்மைகள் மற்றும் மேற்கு ஆசியப் பகுதியில் நிலவும் புவிசார் அரசியல் பதற்றங்கள் காரணமாக, 2026-27 நிதியாண்டுக்கான இந்தியாவின் மொத்த உள்நாட்டு உற்பத்தி (GDP) வளர்ச்சி கணிப்பை இந்திய ரிசர்வ் வங்கி (RBI) 6.9 சதவீதத்திலிருந்து 6.6 சதவீதமாகக் குறைத்துள்ளது.
இது குறித்து ரிசர்வ் வங்கி ஆளுநர் சஞ்சய் மல்ஹோத்ரா வெளியிட்டுள்ள நிதிக்கொள்கை அறிவிப்பில், இந்திய பொருளாதார வளர்ச்சி குறித்து விரிவான மதிப்பீடுகள் இடம்பெற்றுள்ளன. உலகளாவிய பொருளாதார சூழல் தொடர்ந்து சவாலாக இருப்பதாலும், சர்வதேச சந்தைகளில் நிலவும் மாற்றங்களாலும் இந்த திருத்தம் மேற்கொள்ளப்பட்டதாக தெரிவிக்கப்பட்டுள்ளது. புதிய கணிப்பின்படி, 2026-27 நிதியாண்டின் முதல் காலாண்டில் 6.6 சதவீத வளர்ச்சியும், இரண்டாவது காலாண்டில் 6.3 சதவீத வளர்ச்சியும் பதிவாகும் என எதிர்பார்க்கப்படுகிறது. மூன்றாவது காலாண்டில் 6.5 சதவீதமாகவும், நான்காவது காலாண்டில் 6.8 சதவீதமாகவும் வளர்ச்சி விகிதம் இருக்கும் என ரிசர்வ் வங்கி மதிப்பிட்டுள்ளது.
இந்த வளர்ச்சி கணிப்பு குறைப்புக்கான முக்கிய காரணங்களாக கச்சா எண்ணெய் மற்றும் பிற எரிசக்தி வளங்களின் விலை உயர்வு, உலகளாவிய விநியோகச் சங்கிலிகளில் ஏற்படும் தடங்கல்கள், பருவநிலை மாற்றங்களால் உருவாகும் பொருளாதார பாதிப்புகள் ஆகியவை குறிப்பிடப்பட்டுள்ளன. இவை அனைத்தும் உள்நாட்டு மற்றும் சர்வதேச வர்த்தக நடவடிக்கைகளில் தாக்கத்தை ஏற்படுத்தக்கூடியவை எனவும் தெரிவிக்கப்பட்டுள்ளது. எனினும், உலகளாவிய சவால்களுக்கு மத்தியில் இந்திய பொருளாதாரம் தொடர்ந்து வலுவான அடித்தளத்தைக் கொண்டுள்ளதாகவும், உள்நாட்டு நுகர்வு மற்றும் முதலீட்டு நடவடிக்கைகள் வளர்ச்சிக்கு ஆதரவாக இருக்கும் என்றும் ரிசர்வ் வங்கி நம்பிக்கை தெரிவித்துள்ளது.
நிலுவை போக்குவரத்து அபராதங்களுக்கு 50% தள்ளுபடி – கர்நாடக அரசின் முக்கிய அறிவிப்பு