எப்போதும் போக்குவரத்து நெரிசல் மிகுந்த சென்னை ECR பாலவாக்கம் பகுதியில், உணவு டெலிவரி ஊழியர் ஒருவர் கம்பீரமாக குதிரை மீது அமர்ந்து உணவு பார்சல்களை டெலிவரி செய்யும் சுவாரஸ்யமான வீடியோ காட்சி சமூக வலைத்தளங்களில் வைரலாகி வருகிறது.
போக்குவரத்து நெரிசலுக்கு புதுமையான மாற்று:
சென்னையின் முக்கியப் போக்குவரத்து பாதைகளில் ஒன்றான கிழக்குக் கடற்கரைச் சாலையில் (ECR) தினமும் கடுமையான வாகன நெரிசல் காணப்படுவது வழக்கம். குறிப்பாக உணவு டெலிவரி செய்யும் ஊழியர்கள் குறிப்பிட்ட நேரத்திற்குள் வாடிக்கையாளர்களுக்கு உணவைக் கொண்டு சேர்க்க இருசக்கர வாகனங்களில் கடும் சிரமத்தைச் சந்தித்து வருகின்றனர்.
இந்நிலையில், பாலவாக்கம் பகுதியில் உணவு டெலிவரி செய்யும் ஊழியர் ஒருவர், போக்குவரத்து நெரிசலைச் சாமர்த்தியமாகத் தவிர்க்கும் வகையில், இருசக்கர வாகனத்திற்குப் பதிலாகக் குதிரையைப் பயன்படுத்தியுள்ளார். முதுகில் உணவு பார்சல்கள் அடங்கிய பையுடன், குதிரை மீது கம்பீரமாக அமர்ந்து ECR சாலையில் அவர் சென்ற காட்சி அப்பகுதியில் பயணித்த பொதுமக்களை வெகுவாகக் கவர்ந்துள்ளது.
இணையத்தில் குவியும் கருத்துகள்:
சாலையில் சென்ற வாகன ஓட்டிகள் சிலர் இந்த அபூர்வக் காட்சியைத் தங்கள் கைப்பேசியில் படம்பிடித்து சமூக வலைத்தளங்களில் பதிவேற்றினர். இந்த வீடியோ வெளியானதுமே இணையவாசிகளின் கவனத்தை ஈர்த்து வைரலாகி வருகிறது.
“டிராஃபிக்கைத் தவிர்க்க புது ஐடியா!”: நெரிசலைத் தவிர்க்க அவர் கையாண்ட விதம் நெட்டிசன்களை வியப்பில் ஆழ்த்தியுள்ளது.
“ECR-யின் ராஜா டெலிவரி பாய்”: குதிரையில் கெத்தாகச் சென்ற அவரை சமூக வலைத்தளங்களில் பலரும் பாராட்டி வருகின்றனர்.
வழக்கமான இருசக்கர வாகனங்களுக்குப் பதிலாகக் குதிரையைப் பயன்படுத்திய அவரது இந்த புதுமையான முயற்சி, சென்னை மக்களிடையேயும் இணைய உலகிலும் தற்போது முதன்மைப் பேசுபொருளாக மாறியுள்ளது.
“கர்நாடகத்தின் சதிவலையில் சிக்கக் கூடாது!” – தமிழக அரசுக்கு மு.க.ஸ்டாலின் எச்சரிக்கை!