ஹாலிவுட்டின் முன்னணி இயக்குநரான கிறிஸ்டோபர் நோலன் இயக்கத்தில் பிரம்மாண்டமாக வெளியான ‘தி ஒடிஸி’ (The Odyssey) திரைப்படம் உலகளவில் $1 பில்லியன் (இந்திய மதிப்பில் சுமார் ரூ.9,500 கோடி) வசூலைக் கடந்து திரையுலகை வியப்பில் ஆழ்த்தியுள்ளது.
ஏற்கனவே நோலன் இயக்கத்தில் வெளியான ‘தி டார்க் நைட்’ (The Dark Knight) மற்றும் ‘தி டார்க் நைட் ரைசஸ்’ (The Dark Knight Rises) ஆகிய படங்கள் $1 பில்லியன் வசூலை எட்டிய நிலையில், தற்போது அந்தப் பட்டியலில் ‘தி ஒடிஸி திரைப்படமும் இணைந்துள்ளது.
திரையரங்குகளில் குவியும் ரசிகர்கள்
வித்தியாசமான கதைக்களம், பிரமிக்க வைக்கும் காட்சி அமைப்பு, நோலனின் பிரத்யேக மேக்கிங் பாணி என அனைத்துத் தரப்பு ரசிகர்களையும் ஈர்த்துள்ள ‘தி ஒடிஸி’, வெளியான நாள் முதலே திரையரங்குகளில் வசூல் மழை பொழிந்து வருகிறது. உலகெங்கிலும் உள்ள சினிமா ரசிகர்களின் அமோக ஆதரவால், மிகக் குறுகிய காலத்தில் இத்திரைப்படம் $1 பில்லியன் மைல்கல்லைத் தொட்டுள்ளது.
$1 பில்லியன் வசூலில் நடப்பாண்டு சாதனைகள்
நடப்பாண்டில் சர்வதேச அளவில் மிகப்பெரிய வசூல் சாதனை படைத்த திரைப்படங்களின் பட்டியலில் ‘தி ஒடிஸி’ இணைந்துள்ள நிலையில், இந்த ஆண்டில் $1 பில்லியன் வசூலைக் கடந்த பிற முக்கிய திரைப்படங்கள்:
ஸ்பைடர் மேன்: பிராண்ட் நியூ டே (Spider-Man: Brand New Day)
டாய் ஸ்டோரி 5 (Toy Story 5)
சூப்பர் மேரியோ கேலக்ஸி (Super Mario Galaxy)
மைக்கேல் (Michael)
நோலனின் ஹேட்ரிக் சாதனை!
தனது தனித்துவமான சினிமா உருவாக்கத்தின் மூலம் உலகம் முழுவதும் பெருவாரியான ரசிகர்களைக் கொண்டுள்ள கிறிஸ்டோபர் நோலன், ‘தி ஒடிஸி‘ படத்தின் மூலம் மூன்றாவது முறையாக $1 பில்லியன் வசூல் கிளப்பில் இணைந்து தன் திரைப்பயணத்தில் புதிய உச்சத்தைத் தொட்டுள்ளார்.
இப்படத்தின் பிரம்மாண்ட வசூல் மற்றும் வெற்றிக்கு சினிமா பிரபலங்களும் உலகெங்கிலும் உள்ள ரசிகர்களும் தங்களது வாழ்த்துகளைத் தெரிவித்து வருகின்றனர்.