நீண்ட காலமாகத் தொகுப்பூதியத்தில் பணிபுரிந்து வரும் செவிலியர்களைப் பணி நிரந்தரம் செய்வது தொடர்பான அறிவிப்பு விரைவில் வெளியாகும் என்று மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜ் தெரிவித்துள்ளார். மாநில உரிமைகள் விவகாரத்தில் அனைத்துக் கட்சிகளும் ஓரணியில் திரள வேண்டும் என்பதே மக்களின் எதிர்பார்ப்பு என்றும் அவர் குறிப்பிட்டுள்ளார்.
செவிலியர்கள் திறன் மேம்பாட்டு பயிற்சி முகாம்:
சென்னை வடபழனியில் உள்ள தனியார் மருத்துவமனையில், செவிலியர்களுக்கான தீவிர சிகிச்சைப் பிரிவின் திறன் மேம்பாட்டு பயிற்சி முகாம் நடைபெற்றது. இம்முகாமை மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜ் சிறப்பு விருந்தினராகக் கலந்துகொண்டு அதிகாரப்பூர்வமாகத் துவக்கி வைத்தார். அதனைத் தொடர்ந்து செய்தியாளர்களைச் சந்தித்து அவர் பல்வேறு முக்கிய விவகாரங்கள் குறித்துப் பேசினார்.
செவிலியர்களின் பணி நிரந்தரம் குறித்த அறிவிப்பு:செய்தியாளர்களின் சந்திப்பின் போது அமைச்சர் அருண்ராஜ் கூறியதாவது:
“மருத்துவத்துறையில் மருத்துவர்களின் பங்களிப்பு எவ்வளவு முக்கியமோ, அதே அளவுக்குச் செவிலியர்களின் திறனும் அர்ப்பணிப்பும் அவசியமானது.”
“நீண்டகாலமாகத் தொகுப்பூதியத்தில் பணியாற்றி வரும் செவிலியர்களைப் பணி நிரந்தரம் செய்ய வேண்டும் என்ற நியாயமான கோரிக்கை எங்கள் கவனத்திற்கு வந்துள்ளது. இது தொடர்பாக மாண்புமிகு முதலமைச்சருடன் ஆலோசிக்கப்பட்டு வருகிறது; விரைவில் இது குறித்த நல்ல செய்தி வெளியாகும்.”
காவிரி விவகாரம் மற்றும் தொகுதி மறுவரையறை:
தொடர்ந்து பேசிய அவர், காவிரி நீர் பிரச்சனை மற்றும் தொகுதி மறுவரையறை ஆகிய இரண்டும் தமிழகத்திற்கு மிக முக்கியமான விவகாரங்கள் என்றும், இரண்டும் இரு கண்கள் போன்றவை என்றும் தெரிவித்தார். பல்வேறு காரணங்களைக் கருத்தில்கொண்டு மத்திய அரசுடன் இணக்கமான போக்கையே அரசு விரும்புவதாகக் குறிப்பிட்ட அவர், கடந்த ஆண்டு நடைபெற்ற தொகுதி மறுவரையறைக் கூட்டத்தைக் சுட்டிக்காட்டி பல்வேறு கேள்விகளையும் எழுப்பினார்.
மாநில உரிமைகளில் அனைத்துக் கட்சிகளின் ஒற்றுமை:
மத்திய அரசிடமிருந்து மாநில உரிமைகளைப் பாதுகாக்கும் விஷயத்தில் அரசியல் பேதங்களைக் கடந்து தமிழகத்தின் அனைத்துக் கட்சிகளும் ஓரணியில் நிற்க வேண்டும் என்பதே தமிழ்நாட்டு மக்களின் உண்மையான விருப்பம் என்றும் அமைச்சர் அருண்ராஜ் தனது பேட்டியின் போது கூறினார்.
தமிழக அரசு மற்றும் காவல் துறையின் போக்கில் மாற்றம் தேவை”: கனகராஜ் வலியுறுத்தல்