“ஐபோன் 18 ப்ரோ, ப்ரோ மேக்ஸ் மற்றும் ஃபோல்டபிள் போன்கள் வெளியாக வாய்ப்பு” – பிப்ரவரியில் களமிறங்கும் ஐபோன் 18!
உலகஅளவில் பெரும் எதிர்பார்ப்பைக் கிளப்பியுள்ள ஆப்பிள் நிறுவனத்தின் வருடாந்திர சிறப்பு நிகழ்வு, வரும் செப்டம்பர் 9-ஆம் தேதி கோலாகலமாக நடைபெறவுள்ளது. தொழில்நுட்ப உலகமே ஆவலுடன் எதிர்பார்க்கும் இந்நிகழ்வில், பல புதிய மற்றும் அதிநவீன ஆப்பிள் தயாரிப்புகள் அறிமுகம் செய்யப்படவுள்ளன.
செப்டம்பரில் அறிமுகமாகும் புதிய மாடல்கள்
இந்த ஆண்டும் தனது பாரம்பரிய வழக்கப்படி செப்டம்பர் மாதத்தில் ஆப்பிள் நிறுவனம் இந்த பிரம்மாண்ட நிகழ்வை நடத்துகிறது. இதில் ஆப்பிள் ரசிகர்களின் பல நாள் எதிர்பார்ப்பான ஐபோன் 18 ப்ரோ (iPhone 18 Pro) மற்றும் ஐபோன் 18 ப்ரோ மேக்ஸ் (iPhone 18 Pro Max) ஆகிய பிரீமியம் மாடல்கள் அதிகாரப்பூர்வமாக அறிமுகப்படுத்தப்படும் என எதிர்பார்க்கப்படுகிறது. அத்துடன், ஸ்மார்ட்போன் சந்தையில் புதிய புரட்சியை ஏற்படுத்தும் வகையில், ஆப்பிள் நிறுவனத்தின் முதல் மடிக்கக்கூடிய ‘ஃபோல்டபிள்’ (Foldable) ஐபோன் மாடலும் இந்த நிகழ்வில் வெளிவர அதிக வாய்ப்புள்ளதாகத் தொழில்நுட்ப வல்லுநர்கள் தெரிவிக்கின்றனர்.
அடுத்த ஆண்டு வெளியாகும் ஐபோன் 18
வழக்கமாக அனைத்து மாடல்களும் ஒரே நேரத்தில் சந்தைக்கு வரும் நிலையில், இம்முறை அடிப்படை மாடலான ஐபோன் 18 (iPhone 18) மட்டும் வரும் செப்டம்பர் நிகழ்வில் வெளியாகாது என்ற புதிய தகவல் வெளியாகியுள்ளது.
அதற்குப் பதிலாக, உற்பத்தி மற்றும் சந்தை உத்திகளைக் கருத்தில் கொண்டு, ஐபோன் 18 மாடலை அடுத்த ஆண்டு பிப்ரவரி மாதத்தில் தனியாக அறிமுகம் செய்ய ஆப்பிள் நிறுவனம் திட்டமிட்டுள்ளதாக நம்பத்தகுந்த வட்டாரங்கள் தெரிவிக்கின்றன. புதிய வடிவமைப்பு, அதிவேக பிராசஸர் மற்றும் மேம்படுத்தப்பட்ட கேமரா அம்சங்களுடன் வெளியாகவுள்ள இந்த புதிய ஐபோன் மாடல்கள், ஸ்மார்ட்போன் சந்தையில் பெரும் வரவேற்பைப் பெறும் என எதிர்பார்க்கப்படுகிறது.
கேடிஎம் 390 அட்வென்ச்சர் பைக்கில் ‘ஆர்க்டிக் பிளேர்’ புதிய வண்ணம் அறிமுகம்!