காதலனுக்குப் புதிய இருசக்கர வாகனம் வாங்கிக் கொடுப்பதற்காக, தந்தையின் நண்பர் வீட்டிலேயே 9 சவரன் தங்க நகைகளைத் திருடிய 19 வயது கல்லூரி மாணவி கைது செய்யப்பட்டுச் சிறையில் அடைக்கப்பட்டார். தலைமறைவாக உள்ள அவரது காதலனைப் காவல்துறையினர் தீவிரமாகத் தேடி வருகின்றனர்.
9 சவரன் நகை மாயம்:
கோவை மாவட்டம் பொள்ளாச்சியை அடுத்துள்ள ஊஞ்சவேலம்பட்டி பகுதியைச் சேர்ந்தவர் மாணவியின் தந்தையின் நண்பர்.
இவரது வீட்டிற்கு 19 வயதான கல்லூரி மாணவி அடிக்கடி வந்து சென்றுள்ளார்.
இந்த நிலையில், அந்த நபரின் வீட்டில் இருந்த 9 சவரன் தங்க நகைகள் திடீரென மாயமாகின.
இதனால் அதிர்ச்சியடைந்த குடும்பத்தினர் இதுகுறித்து உடனடியாகக் காவல்துறையில் புகார் அளித்தனர்.
பொள்ளாச்சியில் விற்று ரூ.2.5 லட்சம்:
புகாரின் பேரில் வழக்குப் பதிவு செய்து விசாரணை நடத்திய காவல்துறையினர், சந்தேகத்தின் பேரில் அந்த வீட்டிற்கு வந்து சென்ற கல்லூரி மாணவியிடம் தீவிர விசாரணை நடத்தினர்.
விசாரணையில், அவரே 9 சவரன் நகையைத் திருடியதை ஒப்புக் கொண்டார். மேலும், திருடிய நகைகளைப் பொள்ளாச்சியில் உள்ள ஒரு நகைக் கடையில் விற்று ரூ.2.5 லட்சம் ரொக்கப் பணம் பெற்றதும் அம்பலமானது.
இன்ஸ்டா ரீல்ஸ் மோகம் – காதலன் தப்பியோட்டம்:
நகையை விற்ற பணத்தைக் கொண்டு, தனது காதலனான ஜனகன் சிவா என்பவருக்கு மாணவி புதிய இருசக்கர வாகனம் வாங்கிக் கொடுத்துள்ளார். அதோடு நிற்காமல், அந்தப் புதிய பைக்கில் காதலனுடன் சேர்ந்து எடுத்த வீடியோக்களை இன்ஸ்டாகிராமில் ‘ரீல்ஸ்’ ஆகவும் பதிவிட்டுள்ளார்.
எல்லை தாண்டிய காதலால் தற்போது மாணவி கைது செய்யப்பட்டுச் சிறையில் அடைக்கப்பட்டுள்ளார்.
காதலி சிறை சென்றுள்ள நிலையில், தப்பியோடி தலைமறைவாக உள்ள காதலன் ஜனகன் சிவாவைக் காவல்துறையினர் வலைவீசித் தேடி வருகின்றனர்.