பைக் சுற்றுலா நிறுவனம் தொடங்கிய நடிகர் அஜித்

பைக் சுற்றுலா நிறுவனம் தொடங்கிய நடிகர் அஜித்

ஏகே மோட்டோ ரைடு என்ற பெயரில் மோட்டார் சைக்கிள் சுற்றுலா நிறுவனத்தை தொடங்கியுள்ளதாக நடிகர் அஜித் அறிவித்துள்ளார்.

இந்தியா முழுவதும் ஏற்கனவே பைக்கில் சுற்றிவந்த நிலையில், நடிகர் அஜித் சுற்றுலா பைக் நிறுவனத்தை தொடங்கி இருக்கிறார். பயணம் மேற்கொள்ள ஆர்வமுள்ள ரைடர்ஸ், சாகச ஆர்வலர்கள், பயண விரும்பிகளுக்கு ஏகே மோட்டோ ரைடு சுற்றுப்பயணங்களை வழங்கும். நவம்பர் மாதம் முதல் சர்வதேச பைக் சுற்றுலாவை அஜித் தொடங்க திட்டமிட்டுள்ளார்.

Discipline makes life easier#AKMOTORIDE pic.twitter.com/wf5kZHMVdt

— Suresh Chandra (@SureshChandraa) May 22, 2023

மோட்டார் சைக்கில் பயணத்தில் உள்ள ஆர்வத்தை தொழில்முறையாக மாற்றும் விதத்தில் நிறுவனம் தொடங்கியிருப்பதாக அஜித் விளக்கம் அளித்துள்ளார். இந்தியா மட்டுமின்றி சர்வதேச சாலைகளில் பயணம் மேற்கொள்ள தங்கள் நிறுவனம் ஏற்பாடு செய்து தரும் என அஜித் அறிவித்துள்ளார். உன்னிப்பாக பராமரிக்கப்படும் சாகச சுற்றுலா சூப்பர் பைக்குகளை ஏகே மோட்டோ ரடு வழங்கும் என அறிவிக்கப்பட்டுள்ளது. இந்த தகவலை அஜித்தின் மேனேஜரான சுரேஷ் சந்திரா தனது டிவிட்டர் பக்கத்தில் பதிவிட்டுள்ளார்.

மேலும் நடிகர் அஜித்குமார் வெளியிட்டுள்ள அறிக்கையில், “இந்த மேற்கோளை நான் நீண்ட காலமாக விரும்பி வாழ்ந்து வருகிறேன்: ‘வாழ்க்கை ஒரு அழகான பயணம். அதன் எதிர்பாராத தருணங்கள், திருப்பங்கள் மற்றும் திறந்த பாதைகளைக் கொண்டாடுங்கள்’. மோட்டார் சைக்கிள்கள் மற்றும் வெளிப்புறங்களில் எனது ஆர்வத்தை ஒரு தொழில்முறை முயற்சியாக மாற்றும் விதத்தில் ஏகே மோட்டோ ரைடு (AK Moto Ride) என்ற மோட்டார்சைக்கிள் சுற்றுலா நிறுவனத்தை கொண்டு வந்திருக்கிறேன் என்பதை பகிர்ந்து கொள்வதில் மகிழ்ச்சி அடைகிறேன்.

இந்தியாவின் இயற்கை எழில் கொஞ்சும் நிலப்பரப்புகளில் மட்டுமின்றி, அழகான சர்வதேச சாலைகளிலும் பயணம் மேற்கொள்ள ஆர்வமுள்ள ரைடர்ஸ், சாகச ஆர்வலர்கள் மற்றும் பயண விரும்பிகளுக்கு ஏகே மோட்டோ ரைடு சுற்றுப்பயணங்களை வழங்கும். பாதுகாப்பு மற்றும் சௌகரியத்தில் அசைக்க முடியாத அர்ப்பணிப்புடன் சுற்றுப்பயணங்கள் முழுவதிலும் நம்பகத்தன்மை மற்றும் செயல்திறனை உறுதி செய்து, உன்னிப்பாக பராமரிக்கப்படும் சாகச சுற்றுலா சூப்பர் பைக்குகளை ஏகே மோட்டோ ரைடு வழங்கும். தொழில்முறை வழிகாட்டிகள், மோட்டார் சைக்கிள் சுற்றுப்பயணங்களின் நுணுக்கங்களை நன்கு அறிந்தவர்கள் மற்றும் உள்ளூர் பழக்கவழக்கங்கள் மற்றும் மரபுகள் பற்றிய விரிவான அறிவைக் கொண்டவர்கள் தொடக்கம் முதல் இறுதி வரை ரைடர்களுக்கு தடையற்ற மற்றும் அதிவேக அனுபவத்தை வழங்குவார்கள்.” எனக் குறிப்பிட்டுள்ளார்.