சூர்யா 48 படத்தில் மற்றுமொரு நடிகை இணைந்திருப்பதாக தகவல் வெளியாகி உள்ளது.
தமிழ் சினிமாவின் முன்னணி நட்சத்திரமான சூர்யா நடிப்பில், மலையாள இயக்குநர் ஜித்து மாதவன் இயக்கத்தில் கடந்த நவம்பர் 6-ஆம் தேதி வெளியான சீன் திரைப்படம் ரசிகர்கள் மத்தியில் மிகப்பெரிய வரவேற்பைப் பெற்று திரையரங்குகளில் வெற்றி நடை போட்டு வருகிறது. அதாவது இப்படம், உலகம் முழுவதும் கிட்டத்தட்ட 250 கோடி ரூபாய்க்கும் மேல் வசூல் செய்து சாதனை படைத்து வருவதாக கூறப்படுகிறது.
இந்த மாபெரும் வெற்றியைத் தொடர்ந்து, சூர்யா தற்போது தனது அடுத்த பிரம்மாண்ட படமான ‘சூர்யா 48’ படத்தில் முழு கவனம் செலுத்தி வருகிறார். ‘ஜெய் பீம்’ திரைப்படத்தின் மூலம் ஒட்டுமொத்த இந்திய சினிமாவையும் திரும்பிப் பார்க்க வைத்த இயக்குநர் டி.ஜே. ஞானவேல் இப்படத்தை இயக்குகிறார். சூர்யா – டி.ஜே. ஞானவேல் கூட்டணி மீண்டும் இணைந்திருப்பது ரசிகர்களிடையே உச்சகட்ட எதிர்பார்ப்பை ஏற்படுத்தியுள்ளது.
இப்படத்திற்கு இளம் இசையமைப்பாளர் சாய் அபயங்கர் இசையமைக்க, கயடு லோஹர் முக்கிய கதாபாத்திரத்தில் நடிக்கிறார் என்பது ஏற்கனவே அதிகாரப்பூர்வமாக அறிவிக்கப்பட்டிருந்தது. ஏற்கனவே வெளியான தகவலின் படி ஜப்பானில் நடைபெற்று வந்த இந்த படத்தின் படப்பிடிப்பு தற்போது நிறைவடைந்துள்ளதாகவும் சொல்லப்படுகிறது. இதன் அடுத்தகட்ட படப்பிடிப்பு இந்த மாத இறுதியில் சென்னையில் தொடங்கவுள்ளதாக தற்போதைய தகவல்கள் தெரிவிக்கின்றன.
இதன் கூடுதல் தகவலாக, இப்படத்தில் பிரபல நடிகை ஐஸ்வர்யா லட்சுமி இந்த படத்தில் நடிக்கிறார் எனவும் தகவல் கசிந்துள்ளது. அது மட்டும் இல்லாமல் இவருக்கு இந்த படத்தில் ஒரு ஸ்பெஷல் ரோல் இருப்பதாகவும் நம்பத் தகுந்த வட்டாரங்கள் தெரிவிக்கின்றன. இனிவரும் நாட்களில் மற்ற அப்டேட் வெளியாகும் எனவும் எதிர்பார்க்கப்படுகிறது.
