HomeBreaking Newsஅண்ணன் சீர் திட்டம்: வழிகாட்டு நெறிமுறைகள் வெளியீடு – திருமணத்திற்கு 60 நாட்களுக்கு முன்பிருந்து விண்ணப்பிக்கலாம்!

அண்ணன் சீர் திட்டம்: வழிகாட்டு நெறிமுறைகள் வெளியீடு – திருமணத்திற்கு 60 நாட்களுக்கு முன்பிருந்து விண்ணப்பிக்கலாம்!

-

- Advertisement -

தமிழக அரசின் அண்ணன் சீர் திட்டத்தின் கீழ் பயன்பெறுவதற்கான வழிகாட்டு நெறிமுறைகள் மற்றும் விண்ணப்பிக்கும் நடைமுறைகள் வெளியிடப்பட்டுள்ளன. இத்திட்டத்தின் கீழ் தகுதியுடையவர்கள் திருமண தேதிக்கு 60 நாட்களுக்கு முன்பிருந்து திருமண நாள் வரை விண்ணப்பிக்கலாம் என அறிவிக்கப்பட்டுள்ளது.அண்ணன் சீர் திட்டம்: வழிகாட்டு நெறிமுறைகள் வெளியீடு – திருமணத்திற்கு 60 நாட்களுக்கு முன்பிருந்து விண்ணப்பிக்கலாம்!

விண்ணப்பிக்கும் கால அவகாசம்

திருமண தேதிக்கு 60 நாட்களுக்கு முன்பிருந்து திருமண நாள் வரை விண்ணப்பிக்கலாம். சிறப்புச் சலுகையாக, 05.10.2026 முதல் 15.01.2027 வரையிலான காலகட்டத்தில் நடைபெறும் திருமணங்களுக்கு, 15.01.2027 வரை விண்ணப்பிக்க அனுமதி வழங்கப்பட்டுள்ளது.

அரசு இ-சேவை மையங்கள் அல்லது www.tnesevai.tn.gov.in என்ற இணையதளம் வாயிலாக விண்ணப்பிக்கலாம்.

திட்டத்திற்கான தகுதிகள்

திருமணத்திற்கான மணமக்கள் குறைந்தபட்ச சட்டப்பூர்வ வயதை நிறைவு செய்திருக்க வேண்டும்.
மணப்பெண்ணின் குடும்ப ஆண்டு வருமானம் ரூ.2.50 லட்சத்திற்கு மிகாமல் இருக்க வேண்டும்.
குடும்ப அட்டையில் மணப்பெண்ணின் பெயர் இடம்பெற்றிருக்க வேண்டும்.
திருமண நிதியுதவி வழங்கும் பிற அரசுத் திட்டங்களின் கீழ் ஏற்கெனவே பயன் பெற்றிருக்கக் கூடாது.

விண்ணப்பிக்கும் நடைமுறைகள்

விண்ணப்பதாரரின் ஆதார் எண் மற்றும் குடும்ப அட்டை எண் ஆகியவை முதலில் சரிபார்க்கப்படும். தகுதியுடைய விண்ணப்பதாரர்கள் திருமணப் பத்திரிகையை இணையதளத்தில் பதிவேற்றம் செய்ய வேண்டும்.

தகுதியான ஒவ்வொரு விண்ணப்பத்திற்கும் தனித்துவ அடையாள எண் வழங்கப்படும். விண்ணப்பத்தின் நிலை குறித்த விவரங்கள் குறுஞ்செய்தி, வாட்ஸ்அப் மற்றும் மின்னஞ்சல் வாயிலாகத் தெரிவிக்கப்படும்.

மேலும், திருமணம் நடைபெற்ற 15 நாட்களுக்குள் அந்தத் திருமணத்தைத் தமிழ்நாட்டில் பதிவு செய்ய வேண்டும் என அறிவுறுத்தப்பட்டுள்ளது.

தகுதியின்மை காரணமாக விண்ணப்பம் நிராகரிக்கப்பட்டால், அதற்கான காரணம் விண்ணப்பதாரருக்குத் தெரிவிக்கப்படும். விண்ணப்பம் நிராகரிக்கப்பட்டவர்கள் மேல்முறையீடு செய்வதற்கும் வாய்ப்பு வழங்கப்படும் எனத் தெரிவிக்கப்பட்டுள்ளது.

 

MUST READ