தமிழகத்தில் பொறியியல் படிப்பிற்கு கலந்தாய்வுக்கு விண்ணப்பம் செய்த மாணவர்களுக்கான தரவரிசைப் பட்டியல் இன்று (ஜூன் 26) வெளியிடப்படவுள்ளது.
செந்தில் பாலாஜியின் மனைவி கூடுதல் மனுத்தாக்கல்!
2023- 24 ஆம் கல்வியாண்டிற்கான பொறியியல் சேர்க்கை மாணவர் கலந்தாய்விற்கு கடந்த மே மாதம் 5- ஆம் தேதி முதல் ஜூன் 4- ஆம் தேதி வரை இணைய வழியாக விண்ணப்பங்கள் பெறப்பட்டன. இந்த கலந்தாய்விற்கு 1,87,693 மாணவ, மாணவிகள் விண்ணப்பித்தனர். விண்ணப்பித்த மாணவர்களுக்கான ரேண்டம் எண் எனப்படும், சம வாய்ப்பு எண், கடந்த ஜூன் 6- ஆம் தேதி வெளியிடப்பட்டது.
இதனைத் தொடர்ந்து, பொறியியல் கலந்தாய்விற்கான தரவரிசைப் பட்டியலை தமிழக உயர்கல்வித்துறை அமைச்சர் முனைவர் பொன்முடி இன்று (ஜூன் 26) வெளியிடுகிறார்.
அரசுப் பேருந்து மீது கார் மோதி பயங்கர விபத்து- ஐந்து பேர் உயிரிழப்பு!
கணிதம், இயற்பியல், வேதியியல் ஆகிய பாடப்பிரிவுகளில் பெற்ற மதிப்பெண்கள் அடிப்படையில், மாணவர்களின் தரவரிசை தயார் செய்யப்படும். நடப்பாண்டில், மாணவ, மாணவிகள் கணினி பொறியியல் துறையைத் தேர்ந்தெடுத்துப் படிக்க அதிகம் ஆர்வம் காட்டி வருகின்றனர் என்பது குறிப்பிடத்தக்கது.