
நாடு முழுவதும் மக்களவைத் தேர்தலில் வாக்களிக்க 96.88 கோடி பேர் தகுதிப் பெற்றுள்ளதாக இந்திய தலைமைத் தேர்தல் ஆணையம் அறிவித்துள்ளது.

பிரம்மயுகம் படத்தின் ட்ரைலர் அப்டேட் இதோ…
2024 நாடாளுமன்ற மக்களவைத் தேர்தலில் நாடு முழுவதும் எத்தனை கோடி வாக்காளர்கள் வாக்களிக்கவுள்ளனர் என்ற விவரங்களை இந்திய தலைமைத் தேர்தல் ஆணையம் வெளியிட்டுள்ளது. அதில், நாடு முழுவதும் மக்களவைத் தேர்தலில் 96.88 கோடி வாக்காளர்கள் வாக்களிக்கத் தகுதிப் பெற்றுள்ளனர். கடந்த 2019- ஆம் ஆண்டு மக்களவைத் தேர்தலை விட 2024- ஆம் ஆண்டு தேர்தலில் வாக்களிக்கும் தகுதியுடையோர் எண்ணிக்கை 6% உயர்ந்துள்ளது.
நேற்றைய நிலவரப்படி, 49.72 கோடி ஆண் வாக்காளர்களும், 47.15 கோடி பெண் வாக்காளர்களும் 2024 மக்களவைத் தேர்தலில் வாக்களிக்கத் தகுதிப் பெற்றுள்ளனர். 1.84 கோடி பேர் 18 முதல் 19 வயதுக்குட்பட்டவர்கள் என்றும், 19.74 கோடி வாக்காளர்கள் 20 முதல் 29 வயதுக்குட்பட்டவர்கள் என்றும், 2.38 லட்சம் வாக்காளர்கள் 100 வயதுக்கும் மேற்பட்டவர்கள், 1.85 கோடி வாக்காளர்கள் 80 வயதுக்கு மேற்பட்டவர்கள் என்றும் தெரிவிக்கப்பட்டுள்ளது.
மணிகண்டன் நடிப்பில் மீண்டும் ஒரு வெற்றிக்கதை… லவ்வர் படத்திற்கு ரசிகர்கள் கருத்து…
நாடு முழுவதும் 2.53 கோடி புதிய வாக்காளர்கள் வாக்களிக்கத் தகுதிப் பெற்றுள்ளதாக தேர்தல் ஆணையம் தெரிவித்துள்ளது.


