ஓடிடி தளத்தில் வெளியான 3 ஹிட் படங்கள்

திரையரங்குகளில் வெளியாகி ஹிட் அடித்த மூன்று திரைப்படங்கள், இன்று அடுத்தடுத்து ஓடிடி தளத்தில் வெளியாகி இருக்கின்றன.

மோகன்லால் நடிப்பில் உருவாகியிருக்கும் மற்றொரு திரைப்படம் மலைக்கோட்டை வாலிபன். இப்படத்தை ஜல்லிக்கட்டு, சுருளி, அங்கமாலி டைரிஸ் பட இயக்குநர் லிஜோ ஜோஸ் இயக்கி இருக்கிறார். இதில் மோகன்லாலுடன் சோனாலி குல்கர்ணி, மணிகண்டன் ஆர் ஆச்சாரி, ஹரிஷ் பேரழி ஆகியோர் நடித்துள்ளனர். இத்திரைப்படம் கடந்த 25ம் தேதி உலகம் முழுவதும் வௌியாகி வரவேற்பை பெற்றது. இதைத் தொடர்ந்து தற்போது இத்திரைப்படம் இன்று ஓடிடி தளத்தில் வெளியாகி இருக்கிறது.

அதேபோல, ஆர்.ஜே.பாலாஜி நடிப்பில் உருவாகி இருக்கும் சிங்கப்பூர் சலூன் படமும் இன்று ஓடிடி தளத்தில் வெளியாகி உள்ளது. இத்திரைப்படத்தை கோகுல் இயக்கி இருக்கிறார். படத்தில் பாலாஜியோடு, மீனாட்சி சௌத்ரி, சத்யராஜ், ரோபோ சங்கர், லால், கிஷன் தாஸ் ஆகியோர் முக்கிய கதாபாத்திரங்களில் நடித்திருக்கின்றனர். இதுதவிர அரவிந்த்சாமி, ஜீவா, லோகேஷே் கனகராஜ் ஆகியோரும் கௌரவ வேடத்தில் நடித்துள்ளார்.

மேலும், நிமிஷா சஜயன் நடித்திருக்கும் போச்சர் திரைப்படமும் அமேசான் பிரைம் தளத்தில் வெளியாகி உள்ளது. இத்திரைப்படம் திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது. தமிழில் சித்தார்த் நடித்த சித்தா, அருண் விஜய்யின் மிஷன் சாப்டர் 1 படத்திலும் நிமிஷா நடித்திருந்தது குறிப்பிடத்தக்கது.