- Advertisement -
ரம்ஜான் பண்டிகையை ஒட்டி இன்று ஒரே நாளில் திரையரங்குகளில் ஏராளமான திரைப்படங்கள் திரைக்கு வந்துள்ளன.
விஜய் ஆண்டனி முதல் முறையாக ரொமேண்டிக் வேடத்தில் நடித்திருக்கும் ரோமியோ திரைப்படம் இன்று திரையரங்குகளில் வெளியாகி இருக்கிறது. இதில் மிர்ணாலினி ரவி ஜோடியாக நடித்திருக்கிறார். விநாயகர் வைத்தியநாதன் இப்படத்தை இயக்கி இருக்கிறார். இதேபோல, ஜிவி பிரகாஷ் மற்றும் ஐஸ்வர்யா ராஜேஸ் இணைந்து நடித்திருக்கும் டியர் திரைப்படமும் இன்று திரையரங்குகளில் வெளியாகி இருக்கிறது. இந்த படத்தை செத்தும் ஆயிரம் பொன் என்ற படத்தை இயக்கிய ஆனந்த் ரவிச்சந்திரன் இயக்கி இருக்கிறார்.
காளி வெங்கட், ரோகிணி, தலைவாசல் விஜய், பிளாக் ஷீப் நந்தினி உள்ளிட்டோர் நடித்துள்ளனர். ஜிவி பிரகாஷ் படத்திற்கு இசையும் அமைத்திருக்கிறார். தமிழில் கார்த்தி மற்றும் தமன்னா நடித்த பையா திரைப்படமும் மறுவெளியீடு செய்யப்பட்டு உள்ளது. அதேபோல, மலையாளத்தில் ஃபகத் ஃபாசில் நடித்திருக்கும் ஆவேஷம் திரைப்படம் திரையரங்குகளில் வெளியாகி இருக்கிறது. ரோமாஞ்சம் படத்தின் இயக்குநர் ஜித்து மாதவன் இத்திரைப்படத்தை இயக்கி இருக்கிறார். இந்த படத்தில் ஃபகத் பாசில், நஸ்ரியா நாசிம், மன்சூர் அலிகான் ஆகியோர் நடித்துள்ளனர்.
