நீலகிரி மாவட்டம், கூடலூர் தொகுதியில் திமுக வேட்பாளர் திராவிடமணி அதிமுக வேட்பாளர் ஜெயசீலனை விட சுமார் 25,000 வாக்குகள் அதிகம் பெற்று அபார வெற்றியை பதிவு செய்துள்ளாா்.
தமிழக சட்டமன்றத் தேர்தலின் வாக்கு எண்ணிக்கை தொடர்ந்து நடைபெற்று வரும் நிலையில், 6வது சுற்று முடிவில் திமுக வேட்பாளர் திராவிடமணி முன்னிலையில் உள்ளார். தற்போதைய நிலவரப்படி, அவர் 21,930 வாக்குகள் பெற்று முன்னிலை வகிக்கிறார்.
அவரை தொடர்ந்து அதிமுக வேட்பாளர் பொன். ஜெயசீலன் 14,171 வாக்குகளுடன் பின்தங்கி உள்ளார். இருவருக்கும் இடையில் 7,759 வாக்குகள் வித்தியாசம் காணப்படுவதால், இந்தத் தொகுதியில் திமுகவின் நிலை வலுப்பெற்று வருகிறது.
இதேவேளை, தமிழக வெற்றி கழகத்தைச் சேர்ந்த தீபக் சாய் கிஷோர் 10,292 வாக்குகள் பெற்று மூன்றாவது இடத்தில் உள்ளார். மற்ற வேட்பாளர்களும் கணிசமான வாக்குகளை பெற்றுள்ளதுடன், “யாருக்கும் விருப்பமில்லை” (NOTA) பிரிவிலும் சில வாக்குகள் பதிவாகியுள்ளன.
மொத்தத்தில், 6வது சுற்று முடிவில் திமுக வேட்பாளர் திராவிடமணி முன்னிலை பெற்றிருப்பது, அடுத்தடுத்த சுற்றுகளின் முடிவுகள் மீதான எதிர்பார்ப்பை அதிகரித்துள்ளது. இறுதி முடிவை தீர்மானிக்கும் வகையில் மீதமுள்ள சுற்றுகள் முக்கியத்துவம் பெறுகின்றன.