கார்த்தி நடிக்கும் ‘வா வாத்தியார்’ படத்தின் லேட்டஸ்ட் அப்டேட்!

நடிகர் கார்த்தி பொன்னியின் செல்வன் படத்தின் மாபெரும் வெற்றிக்கு பிறகு தொடர்ந்து பல படங்களில் பிசியாக நடித்து வருகிறார். அந்த வகையில் இவரது நடிப்பில் ஏற்கனவே உருவாகி இருக்கும் மெய்யழகன் திரைப்படம் வருகின்ற செப்டம்பர் 27 அன்று திரைக்கு வர இருக்கிறது. அதே சமயம் தற்போது பி.எஸ். மித்ரன் இயக்கத்தில் சர்தார் 2 திரைப்படத்திலும் நடித்து வருகிறார் கார்த்தி. இதற்கிடையில் இவர் சூது கவ்வும், காதலும் கடந்து போகும் படத்தின் இயக்குனர் நலன் குமாரசாமி இயக்கத்தில் புதிய படம் ஒன்றில் நடிப்பதற்கு கமிட்டாகி இருந்தார். அதன்படி கார்த்தியின் 26வது படமான இந்த படத்திற்கு வா வாத்தியார் என்று தலைப்பு வைக்கப்பட்டுள்ளது. இதில் கார்த்திக்கு ஜோடியாக கிரித்தி ஷெட்டி நடிக்கிறார். மேலும் ராஜ்கிரண் ஆகியோரும் முக்கிய கதாபாத்திரங்களில் நடிக்கின்றனர். படத்தில் நடிகர் கார்த்தி எம்ஜிஆர் ரசிகனாக நடிக்கிறார். இந்த படத்தை ஸ்டூடியோ கிரேட் நிறுவனம் தயாரிக்க சந்தோஷ் நாராயணன் இதற்கு இசை அமைக்கிறார். ஏற்கனவே படத்தின் ஃபர்ஸ்ட் லுக் வெளியாகி நல்ல வரவேற்பை பெற்றது. அதன் பின்னர் படப்பிடிப்புகளும் மிகத் தீவிரமாக நடைபெற்று வந்த நிலையில் நடிகர் கார்த்தி, வா வாத்தியார் படத்தில் தனது போர்ஷன்களை நிறைவு செய்துள்ளதாக தற்போதைய தகவல்கள் தெரிவிக்கின்றன. அதேசமயம் மற்ற நடிகர்களின் பகுதிகள் இன்னும் சில நாட்களில் முடிந்து விடும் எனவும் அடுத்த மாதம் இது தொடர்பான அதிகாரப்பூர்வ அறிவிப்பு வெளியாகும் எனவும் புதிய அப்டேட் வெளிவந்துள்ளது.